بسم الله الرحمن الرحيم
السلام عليكم ورحمه الله وبركاته .
.
كيف حالكم يابنات عالمي الجميل
ان شاءالله تكونون بخير وعافيه
.
.
بنات انا بخاطري كلام ابي اقوله
ومادري كلامي صح ولا خطأ.
بنات ليش مافيه حب في مجتمعنا الا ماندر
اقصد الحب بين الزوجين الحب الصافي
اللي يحبك لشخصك ..
مايحبك عشان جمالك اللي ان وصلتي الاربعين بيذبل
ولا يحبك عشان فلوسك ان ماعطيتيه قلب عليك وصار وحش
.
.
نادر تلقين رجل يحبك بكل عيوبك قبل ايجابياتك
.
شوفوا اول ماتتوظف البنت وظيفه حكوميه ياكثر خطابها ..وهي قبل ماحد درا عنها ..
ولا وحده يتزوجها ولد عمها ولا قريبها .
وعند اقل اختلاف بوجهات النظر مع اخته
يروح يطلق بنت الناس ..
طيب وين العشره اللي بينكم
وين الحب
وين تحمل الطرف الاخر ..
الاجابه تكون *اللي جابها يجيب غيرها ..
يعني لهالدرجه هي عندك ولا شي ؟
.
تتذكرون موجه المسلسلات التركيه ؟
ليش بناتنا طاحو فيها
ترا مو من جمال الممثلين والممثلاث ولا من جمال الطبيعه مثل مايقولون الناس
لا ..
السبب هو من كميه العواطف والمشاعر اللي فيه
.
اللي حنا مو متعودين عليها بمجتمعنا
شوفوا الوحده عندنا اذا سمنت ولا مرضت ولا كبرت شوي ولا صار لها ظرف صحي او اجتماعي
اول من يقلب عليها زوجها ويدور وحده ثانيه طبعا مو الكل
.
قبل شوي اشوف واحد من الاجانب خطيبته فقدت القدره على المشي فجاه لمده خمس سنوات
وقف معاها وساندها وتزوجها ودعمها لحد ماقدرت تمشي شوي شوي
وبرضوا اللي احترقت وتشوهت وزوجها ماتركها وغيرها وغيرها
نظام الزواج عندنا سيء للاسف .
.
يانظام اكشط اوربح انتي وحظك ولد عمك ولا ولد خالك بتقبلينه بكل عيوبه قبل حسناته وبعد الزواج ان طلع سيء الله يعينك مالك الاالصبر
.او نظام التعارف قبل الزواج سواء بالجوال او السوشيل ميديا وانا ضده تماما لانه اول شي معصيه وبالخفاء وبدون معرفه اهلك وتخونين ثقه ابوك اللي رباك ونايم متطمن ان بنته محترمه وخلوقه وهو مايدري انها ترخص نفسها وسمعتها بحجه التعارف البريء
.
او نظام زواج الصالونات
ام الولد تشوفك بزواج تنعجب بلبسك ولا رقصك ولا فستانك وتروح تاخد رقم امك وتخطبك
يعني معجبه بالمظاهر بس
جوهرك وشخصيتك وثقافتك مايهم المهم شكلك بذاك الزواج اللي ثلاث ارباعه مكياج ورموش😂
يمكن طولت عليكم
ولا صغت موضوعي كويس
لكن الخلاصه
.
ان غاب الحب الحقيقي واختيار الزواج عن قناعه تامه بين الزوج وزوجته ماينفع لا اهتمام ولا خلطات ولا مراقبه جوال.
وفاء وامل770 @ofaaa_oaml770
عضوة فعالة
يلزم عليك تسجيل الدخول أولًا لكتابة تعليق.
روابي البساتين
•
كل كلامك واقعي ونشوفه ونسمع عنه يوميا؟؟؟
كنت ساره
•
الحب اللي قبل الزواج حب المسلسلات والافلام هذا وهم
الحب الحقيقي اللي يستمر بعد العشره
وشوفي شكثر حبايب ينفصلون مايكملون حتى بقصص الافلام والمسلسلات
وانا شفت الحب الحقيقي لزوجين لهم اكثر من ٣٥ سنه زواج والشيب مالي شعرهم لكن مهتمين ببعض ويفقدون بعض ويدلعون بعض ويمزحون على بعض ويسولفون بالذكريات كثير
ماشاء الله تبارك الله .. الله يتمم عليهم ويخليهم لبعض
كنت اتأمل اعيش مثل هالحب زوج يشيب معي ويهتم لي وكنت اصنع ذكريات جميله للمستقبل اذا الله عطانا عمر
لكن الله ما قدّر لي اعيش هالعيشه وزوجي دخل لحياته شريكة ثانيه .. والحمدلله على نعمة العافيه ونعمه الاهل والاصحاب ونعمه حب الناس اللي يعرفوني واللي مايعرفوني 🙏🏻💚
الحب الحقيقي اللي يستمر بعد العشره
وشوفي شكثر حبايب ينفصلون مايكملون حتى بقصص الافلام والمسلسلات
وانا شفت الحب الحقيقي لزوجين لهم اكثر من ٣٥ سنه زواج والشيب مالي شعرهم لكن مهتمين ببعض ويفقدون بعض ويدلعون بعض ويمزحون على بعض ويسولفون بالذكريات كثير
ماشاء الله تبارك الله .. الله يتمم عليهم ويخليهم لبعض
كنت اتأمل اعيش مثل هالحب زوج يشيب معي ويهتم لي وكنت اصنع ذكريات جميله للمستقبل اذا الله عطانا عمر
لكن الله ما قدّر لي اعيش هالعيشه وزوجي دخل لحياته شريكة ثانيه .. والحمدلله على نعمة العافيه ونعمه الاهل والاصحاب ونعمه حب الناس اللي يعرفوني واللي مايعرفوني 🙏🏻💚
ابو زوجي . لفت عليه فلانه ...الله معطيها جمال لا اله الا الله ... وعشقها . وهو متزوج ام زوجي . وصار يروح يقعد ببيت عشيقته . مايتحرك .......لين وافق ابوها يزوجة اياها ....تزوجها ... مو حب . لا لا لا لا شي اكبر من الحب . اعظم اغرب من الحب .... اهلها فقراء كان يقسم المعاش بالنص بينه وبين ابوها . الذبيحه ماتدش بيته الا تدش بيت اهلها . صار ولدهم اللي ماجابوه .ونسى ام زوجي . وبعد زواجه بسنه قالتله زوجته شلون تنام مع فلانه . وهجر ام عياله زوجته الاولى . ماداس لها فراش ولا دش لها غرفه من ثلاثين سنه .... ترك زوجته ام عياله طباخه له وللمدام ... وعايش بسكرة حب . حتى خواتها هو اللي يجيب لهم اغراض وكسوة الملابس ....حبه لها تكتب فيه معاجم ..... قالتله ام ابوه غضبي عليك او تنام مع فلانه . ام عياله .....واختار غضب امه ومانام مع الاولى بس عشان خاطر الثانيه .... عاشت ملكه بحبه طول السنين .طيح يطيح قوم يقوم ..... كبرو بناته وعياله زوجتهم لخوانها وخواتها ....هي ماجابت عيال من ابو زوجي . لكن هو ماترك مكان بالدنيا يعالج للحمل ماراحو له ....ويوم الناس تكلمت عنه انه مو طبيعي .... قال بنص المجلس للرياييل ...فلانه مافيها عيب يمنع الحمل العيب مني انا ؟؟؟.... حتى عند الناس يبرى ساحتها ....شلون فيك عيب ووانت جايب عيال وبنات من زوجتك الاولى !!!!!........ولا زال عبر السنين يعشششششششقها ولا يشوف لها خطأ...مع انها عوبه وقويه وتسبه وتهزءه لكن الحب اعمى ...مرات قدام عياله وبناته تسبه وتتكلم عليه ...يقول .عادي خلوها تفضي خاطرها ....... فيه حب جذي ؟؟؟؟؟؟؟؟... ولا زال حبهم ليومك هذا...وهي لا زالت مستنده على حبه لها وتظلم خلق الله ....
الصفحة الأخيرة