كلام صديقتي عن اهلها

الأسرة والمجتمع

بنات صديقتي شكت لي من اهلها وقلت بقولكم وانصحوها هي متزوجه وعندها اربع عيال وعانت في حياتها كثير من تدخل اهل زوجها وسكنو معها وكانت تخدمهم ونكروا جميلها وعاشت الضيم والطلايم منهم وزوجها 
زوجها ناكر جميل وعصبي مره 
وحتى ف نفاسها تقوم تشتغل وتقطع الذبايح من اول يوم وتشتغل عادي كأنها مو توها والده 
وزوجها مايراعيها ابدا 
واهلها مايراعوها ولايهتموا فيها انها جلست عندها يوم واحد ف نفاسها وراحت 
طيب يمكن تستحي من زوجها لكن تتحمل عشان بنتها كانت مره تعبانه حتى ان الي ولدتها قالت لها لازم احد يهتم فيها لانها مره تعبانه من الطلق الصناعي حتى يوم تتوحم مايهتمو فيها ويجيبو لها اكل تحبه الا مره نادره اذا طلبتهم 
ويوم اختها حملت وتوحمت راحت اختها عند اهلها واهتمو فيها ويوم ولدت اجو بيتها وتنابذ عليها ف الاهتمام ورغم ان زوجها طيب مره وحنون 
هي اقول والله ماغارت ولا شي بس غصه ف حلقها ليش التفرقه ف التعامل يحز ف خاطرنا 
وهي تتمنى الخير لأهلها وتحبهم وتخدمهم ويوم تحي عند اهلها تساعد اهلها وتنظف وتتطبخ 

تقول بديت تشك ف نفسها هل الي دايم طيب وخدوم مايعطوه اي اهتمام 
تنتظر مشاركاتكم بدون تجريح هي مره نفسيتها تعبانه وبوريها ردودكم لانها فكرت معد تزورهم الا فترات بعيده 
10
2K

يلزم عليك تسجيل الدخول أولًا لكتابة تعليق.

تسجيل دخول

تراجيديا القدر
نعم هي لقت السبب ...
تعاتب امها .. لعل وعسى عتابها يجيب نتيجه
ضوء حياتي
ضوء حياتي
وكمان يوم تروح السوق ف السنه حسنه وتخلي الاولاد مع اهلها يدقون يلا ارجعي اولادك ازعجونا يجلسون ع اعصابهم ف اليوم نبغى ترتاح وتلف السوق وتاخد الي تبغى وتستجمممم وتتقهوى وتجلس ثلاث ساعات مع نفسها الا ينكدون عليها رغم الاولاد ع السوني
نور
نور
ايه الطيب والخدوم ماحد يعطيه وجه ولا احد يهديه 

ويتحسفون يعطونه شيء 

لا تسوي لهم ولا شيء وتهتم بنفسها وتجيب لها شغاله تخدمها

وتعز نفسها عنهم
سجاياا34
سجاياا34
اذا راحت السوق تخلي اولادها في البيت وممكن الصغير تنوّمه قبل تطلع لان الصغير ينوم تطلع نفس وقت نومه وتخليهم يلعبون سوني في بيتهم مو لازم تحرج نفسها مع اهلها ..
واصلا هالزمن ماعاد نحتاج السوق الحمدلله على نعمة توصيل الملابس لحد عندنا في البيت الاغلب صار يطلب اون لاين وارتحنا من لفّة السوق والتعب في السوق ..
تحمّل تطبيق سيتي ماكس تطلب منه لعيالها..
ونفس الشي لها هي يا كثر المواقع الحلوه ..
وتجلس في بيتها مع عيالها اريح لها من لفّة السوق والتعب فيه لان الاسواق ابغض الاماكن الى الله الاسواق ،.
وفعلا الخدوم احيانا ما يحصل احد يخدمه الله المستعان 🤷‍♀️
الله يسخر لها ..
وزياراتها لاهلها ضروري تزورهم مره بالاسبوع زياره عاديه وامها تتواصل معها دايما بالتلفون حتى لو ما زارتها قصدي مره بالاسبوع زياره ومرتين بالاسبوع تتصل تطمن على صحتها البر بالوالدين سبب للرزق .. والبركه في الصحه والعمر ..
وبس
عواطف تركي .
وما ظلمناهم ولكن كانوا أنفسهم يظلمون
ببساطه ربما تكون هي اللي ظلمت نفسها لانها اعطت الضوء الاخضر للجميع يعاملونها بهذا الاسلوب وقبلت به ورضت به
ولانها هي اللي حطت نفسها بإطار الشخص اللي يعطي ويخدم الناس بدون لا ياخذ مقابل
ولانها رسمت لذاتها صورة ذهنيه وانطباع عند الاخرين انها الشخص اللي مو محتاج شي ولا يتذمر ولا يشتكي ولا يرفض ولا يعترض ولا يقول آه تعبت انوجعت
هي حطت نفسها في هذا الحال بطريقة غير واعيه
وابسط مثال انا عودت نفسي اخدم نفسي بنفسي وادبر اموري بنفسي وما اطلب فلوس من اهلي اذا احتجت ومع مرور السنوات خلاص اهلي تعودوا مني هذا الوضع حتى لما توقف مصدر دخلي الخاص وماراح ينفعني شعوري بالحاجه والضيق وانهم مقصرين معاي وما يعطوني ولا يخدموني مثل باقي اخواني وخواتي كل مشاعر اللوم والمقارنات ماراح تفيدني بشي لاني انا اللي جبته لنفسي
وعشان اغير الوضع لازم انا اتغير من داخلي واصحح من طريقتي وافكاري من هذي الناحيه وما اخجل من الطلب واخذ الحق لانه مستحيل احد يحس باللي في داخلنا اذا ما تكلمنا وسعينا في تصحيح مسارنا
بالضبط مثل البنت الكبيره في البيت اللي الاهل يحملونها مسؤلية البيت كامل من طبخ وغسيل وتنظيف وباقي الاخوات ما يشيلون حتى كوب من على الطاوله للمطبخ وتجيك الاخت الكبيره تتحسر وتندب حظها وتشتكي الظلم والتقصير والحاجه وهي اللي رضت وقبلت انها تقوم بهذا الدور بدون اعتراض واذا قلنا لها تكلمي عن تعبك عند اهلك وخليهم يساعدون تجيب لنا ملايين الاعذار مليانه مخاوف ورعب من امها ومن زعلها وتعبها وتختار انها تكمل في هذا الدور وتتذمر وتحرق بنفسها على الفاضي
عشان كذا نقول وما ظلمناهم ولكن كانوا أنفسهم يظلمون
ونقول إن الله لا يغير ما بقوم حتى يغيروا ما بأنفسهم