كيف الحال ؟
بدخل في الموضوع على طول ..
و يـآرب يدخل عقولكم وتستوعبونه ياررررررررررب !
طبعاً بما إننا بإجازة طويلة , شي طبيعي النوم عندنا احنا الشبابات مشقلب فوق تحت
- اللي تواصل يومين كامله و تنام 3 ايام
- واللي تنام الصبح وتصحى بالليل
واللي .... واللي ....
أنا ما أقول شي عن شقلبة النوم ..
بالعكـــــــس !
بيني وبينكم هي اللي يحلي الإجازة
< ياويلي من الأمهات
و أبداً مـــــــــــا راح أقول شي عن الاشياء اللي نسويها لما نسهر
( الأكل , النت , السوالف والهذرة
... ) بسسسس أنا بتكلم عن
( تأخير الصلوات لما ننام ! )
خلونا نكون صريحين مع بعض ..
إحنا تهاوننـا و أرخينا حبال كثيييييييييييييييييييييييــــــرة من الدين ..
( في اللبس و في الأغاني ووو في المعاصي بشكل عام ! )
بسس عاد مو نقطع أهم حبل و أهم شي بالإسلام !
الصلاة يانـاس عمود الدين !
و أول شي راح تنسأل/ين عنــّه لما يحطونك في قبرك !
و تذكروا حديث الرسول صلى الله عليه وسلم :
" العهد الذي بيننا وبينهم ( الصلاة ) فمن تركها فقد كفـر "
فقد كفر !!!!!!!!!!!
لا تقولون احنا ماتركناها !
لأن مره الشيخ محمد العريفي قال مثال مررررررررررره صحيح و أقنعني !
قال :
أنا لو بشهر 6 على سبيل المثال , قمت و نويت الحجّ و أخذت أغراضي وسافرت لمكة ..
وسويت كل الأشياء اللي يسويها الحجاج
( نويت , أحرمت , وسويت كل المناسك .. مبيت في منى و رمي الجمرات ووو الوقوف بعرفة وو ذبحت و أحللت وو ... )
بتنقبل حجتي وهي بشهر 6 ؟
مستحيل !!!
أنا صح سويت كل اللي يسوونه الحجاج , بس مو في وقت الحج !!
و الصلاة كذا بالضبط ..