قراته في منتدى مصري بعث في نفسي روح التفائل وشعرت بما تقوله الاخت ..فاحببت ان تشاركوني
السلام عليكم ورحمة الله وبركاته
ياريت لا تفقدى صبرك واقرى الموضوع للأخر أرجوكى
وبالذات انتى ياللى معادية للثورة
كلنا شايفين اللى حصل فى مصر
وكلنا قلوبنا بتتقطع على الضحايا
وأنا من أوائل الناس اللى كنت ضد الثورة
وكل ردودى هنا قبل يوم 25 كنت بقول فيها مفيش حاجة هتحصل
كنت بقول
بكرة تخبطو راسكو فالحيط
شوية ناس هينزلو الشارع يجعجعو وبعدها
يتقفشو فى بوكسات البوليس ويتعذبو فى الاقسام
وبعدين يعتقلو لأجل غير مسمى
بس بعد ما بدأت الثورة شفت حاجات كتير مكنتش عمرى أتخيلها فى المصريين
بالذات بعد يوم الجمعة
المصريين اللى للأسف ضاعت كتير من كرامتهم بأيديهم
لما العالم كله شفونا بنشتم فى بلدنا فى كل مكان ومبنعملش غير كده
تشتمى فى بلدك مع واحد مش من بلدك تأكدى عمره ما هيحترمك ولا يحترم بلدك وهتسقطى من نظره
والدنيا شافتنا بنموّت بعضنا على افران العيش وانابيب البوتاجاز
وشافونا واحنا بنغرق بالمراكب الصغيرة الغير شرعية اللى رايحة على ايطاليا
هو ده اللى قدرنا عليه
كله ساكت
او بيشتم فالحال والحكومة
او هربان على بلد تانية
أو بيسخر من حاله بنكت تعكس خف دم شعب بحاله
نقصنا فى نظر العالم والله كتيييييييير
ولو قولتى لأى حد (مصر أم الدنيا)
يضححححححححححححك من قلبه
ويقولك كان زماااااااااااااااااااان يا ماما
خسرنا كتيييييييييير فى العبّارات اللى غرقت وطوابير العيش
وطوابير الانابيب وحوادث القطورات وحوادث الطرق السريعة
والبيوت اللى وقعت على اهاليها عشان غير مطابقة للمواصفات
والأكل المسرطن والماية الملوثة
وغيرو وغيرو ... وحتى بدأنا نخسر خفة دمنا
وأصبح الناس ماشية فالشوارع بوجوه مكتئبة ومتجهمة
والهمّ بقى سمة على وشوش المصريين
ياللى زعلانين من الثورة ومن الخراب اللى فى البلد دلوقت تعالو أقولكم
والله اللى حصل ده ولو انه فيه ضحايا بس
رجعلنا كتيييييييير من كرمتنا المهدورة على مرّ السنين
يا جماعة اللى ماتو فى الثورة نحسبهم شهداء عن ربنا وماتو وهو عارفين انهم ممكن يموتو
لأن مع وقوع أول ضحية كل متظاهر عرف ان ممكن يجى الدور عليه ومع ذلك استمر
خلاااااااااااااااص
مبقناش الشعب الكسير الجبان الحزين المهان
مبقناش نخاف مالموت
هقتبس كلمة شاب متظاهر حكى اول يوم مظاهرة
قال كنت فالاول خايف مالموت
بس قولت ماهو كده كده جاى
يمكن فى أكل مسرطن من بتاع الحكومة
أو حادثة طريق سريع
وللعلم عندو طفل عمره شهر
قال اموت دلوقت عشان ابنى يلاقى عيشة أحسن ماللى عشتها انا
المصريين أتغيرووووو
والله العظيم اتغيرو
فضلنا سنين نحكى فى تاريخنا اللى لا يدل علينا خالص
ونقول مصر الحضارة مصر العراقة
والناس مش لاقية تاكل
بس دلوقت الشباب دول بيعمل تاريخ هيدّرس فى المدارس بعد سنين ان شاء الله
دى ثورة زى ثورة 1919 وثورة 1952
كل ثورة من دول كان فيها ضحايا
بس غيرت كتييييييييييييييييييييييييير
وعملت التاريخ اللى درسناها وبنفخر بيه
وللا احنا خلاص مش مستحملين نشوف ناس بتموت فى بلدنا ومش مستحملين ندفع تمن التغيير
خلاص بقينا مش قادرين على التغيير ولا عاوزينه من كتر خوفنا مالموت
بنقول خلينا مع الطاغية والظلم والقهر مش مشكلة بس نعيش
ليه يا جماعة كده
بس أبشركو الحمد لله المصريين اتغيروا
وان شاء الله بعد ما يتحقق حلمهم ومطلبهم هيعمرو مصر
شوفتو الشباب اللى بيحاول ينظم المرور فى غيار الشرطة
شوفتو الشباب اللى عمل درع بشرى حوالين المتحف عشان يحميه بروحه من المجرمين
والشباب اللى بيقاوم البلطجية المندسين المدنسين للثورة
والشباب اللى قسّم نفسه فرق للدفاع والحفاظ على الممتلكات العامة والخاصة
شباب يفررررررررررررررررح
هما دول المصريين اللى هيغيرو تاريخ مصر
خلاااااااااااااااااااااااااص قالو كفاية للهواااااان
البلد هترجع بعد الحلم ده أحسن من الاول
شوفتو اليابان اللى اتدمرت على اخرها بالقنبلة
دلوقت ارقى واحسن شعوب الدنيا ولو ينقصهم بس الدين
مع ان اليابان قبل القنبلة مكنوش حاجة أوى
هتشوفو ياناس
هتشوفو المصريين هيعملو اية فالبلد
مع الاحترام لتونس الغالية الابية
بس المصريين جامدييييييييييين واللى حصل فى 4 ايام يأكد كلامى
مين كان يصدق التغيرات اللى خدها مبارك دى
ده يمكن اطول فترة رئاسة فالدنيا ولازق بغرى ومع ذلك خاف والله خااااف
اليهود مرعوبين
والامريكان خايفين
أول مرة تحصل حاجة فى مصر بدون علمهم او ترتيبهم
هتشوفو والله الحال خيكون احسن وفى وقت قصير
مفيش حلاوة من غير نار
واللى انتى زعلانة عليهم انهم ماتو هما مش زعلانين ودفعو عمرهم بأديهم عشان بلدهم
الل يموت عشان بلدو يبقى اية يا جماعة
شهيييييييييييييد باذن الله
يارب تتفائلو زيي
تفاءلو بالخير تجدووووووه
أم مارية وريما @am_mary_oryma
محررة فضية
يلزم عليك تسجيل الدخول أولًا لكتابة تعليق.
اي والله انهم أبطال ورجال ,,,من جد رفضوا القهر والظلم وما سكتوا ...هذا هم الرجال الله يقويهم ويبارك فيهم...ليت كل العالم يتعمل من شعبي مصر وتونس الابطال الشرفاء,,,,
يسلم بؤك ياعسل
فعلا حان وقت التغيير ورفض الظلم والمطالبه باحقوق والحريه
وعقبال مانشوفك يا مصر
ام الدنيا بجد
فعلا حان وقت التغيير ورفض الظلم والمطالبه باحقوق والحريه
وعقبال مانشوفك يا مصر
ام الدنيا بجد
سيلفانا
•
انا ان قدر الاله مماتتي..لا تري الشرق يرفعون الراءس بعدي.......قاله شاعر عظيم علي لسان مصر
حفظك الله يا مصري الحبيبه يا ام الدنيا قلبي يبكي عليكي ولانكي فرحه بك
حفظك الله يا مصري الحبيبه يا ام الدنيا قلبي يبكي عليكي ولانكي فرحه بك
الصفحة الأخيرة
وانهم شعب عزيز حي
الف تحية للشعب المصري الابي
رفع راسنا كلنا