كلام مانقدر نقوله لازواجنااا...خل نقوله هني

السلام عليكم ورحمة الله
بنات انا دايم بين فترة واخرى امر على هالقسم
مع ان قسمي المفضل هو الطبخ
بس من فترة قريت في مجلة
ان اذا تبين ترتاحين ومتضايقة
جدا من شخص او بالاصح زوجك
وتستحين تقولين له اللي في خاطرك واجهي المنظرة واعتبري زوجك امامك
او الشخص المتضايقة منه وقولي اللي في خاطرك وبكل صراحة
واعتبريه مو جود امامك...ياترى شنو رح نقول وشنو اللي خاشينه في قلبنا ونستحي نقوله لشخص
بنات خل نعتبر هالصفحة هي المنظرة
وكل وحدة تفضفض للشخص اللي مضايقها
وكان مكتوب ان من فوايد الطريقة انها تريحك نفسيا وتصفي ذهنك
وتهون عليك ماخفي في قلبك
وتعلمك شلون تتكلمين وتعبرين عن نفسك

خل نجربها بنات وببتدي بنفسي:::

زوجي انت كريم وخلوق ومحبوب من الناس لكن في اشياء كثيرة
تسويها ماتنتبه لها اشياء بسيطة تغفل عنها بس هي تساوي الكثير
مااشك في حبك لاولادك لكن ماتعجبني طريقة تعاملك معاهم
ومااشك في حبك لي لكن احس ان غيرتك مبالغ فيها
بس لما اعد حستاتك تطلع اكثر من عيوبك
بفرق كبير
اتمنى تتغير بعض ملاحظاتي عنك

والحين دوركم بنات
قلت اللي في خاطري