السلام عليكم
كيف حالكم
ان شاء الله تكونوا بخير وسلامه يااارب :26:
اخواتي العزيزات..
:arb:<<هذا المخلوق مسبب ازعاااج للاغلبيه..
وفي نفس الوقت مانقدر نستغني عنهم:)..
فلذلك حبيبتي ..بقولك كلام طااالع من مخيخي<<متعوب على ذا الكلمه ..
بداية بسالك سؤال ؟؟!!
اخوانك وابوك..!!
هل هم على نمط واحد؟؟..
هل هم على نفس الطبايع؟؟..
فيه منهم..
العصبي
الطيب
الحساس
البيتوتي <<يعني مايحب يطلع ولايحب يكون صداقات و24 ساعه لازق بوجيهكم واوامر ..
والدواج <<هذا عااد النقيض والمعاكس للاول يعني ماتشوفينه ابد 24 ساعه طالع ان بغيتي تشوفينه شوفيه وهو نايم <<:hahaha: هذا افضل وقت..
وكل واحد له معامله خااااصه غير الثاني صح؟؟
لو جيتي تسولفين او تطلبين او اي شيء
الشيء اللي بتفكرين فيه الطريقه اللي تناسب فلان صح؟؟
فلذلك اقول لك زوجك مثلهم ماجاء من السماء
اذا ماعرفتي لشخصيته شوفي تصرفاته وقيسيها على ابوك او اخوك او خالك او عمك <<ومنكم نستفيد وعامليه بنفس المعااامله المنااااااااااااااااااسبه لشخصيتيه
ما اقول قلدي لاآآآآآ اقول اذا انتي عجزتي تعرفين له شوفي من هو مثله وشوفي كيف عرفوا يتصرفون معه واخذي الطرق الزينه..
ولذلك الاخوات هنا كل وحده زوجها يختلف عن زوج الثانيه في كل شيء..
اذا نزلت الاخت مشكلتها تجيك كل وحده تحلها بالطريقه اللي تناسب زوجها
ماعليه نزلي مشكلتك واخذي بالاراء ونفذي الراي الافضل بس ترا حتى الراي الافضل يمكن مايناسب زوجك..
اول اعرفي طباااايع زوجك وش يحب وش يكره <<وبكذا انتي بتعيشين مبسوووطه لان الرجااااال مايعااااااند..
وثاني شيء ابحثي في قوقل عن كل شيء تبينه وتثقفي فيه <<عشااان تعيشين مرتااااحة البال.
لاتجعلينه همك الاول والاخير لا والف لا.
ربي خلقنا لغاية واحده وهي العباده
قال تعالى:-((وماخلقت الجن والانس الا ليعبدون ما اريد منهم من رزق وما اريد ان يطعمون))..
ولاتقدمينه على نفسك ..
لنفسك عليك حق ..في الاكل, والشرب, والنوم ,والراحه, والاهتمام..
فيه بعض الحريم ((وراك وراك تروح يمين اروح يمين تروح شمال اروح شمال))..
خلي لك شخصيه مستقله من دووون عناد ومشاكل وفرض شخصيه وعصياااان
حلو انه يكون عندك اهداف وتحاااولين توصلين لها بالسعي لها والانترنت ماقصر سهل علينا طرق كثييير ياربي لك الحمد
تحبين ترسمين ارسمي ونمي هذي الموهبه جيبي صحااايف وارسمي وبروزيها وعلقيها في بيتك لو تشيلينها وقت حضور الضيوف لكن خلي ثقتك تزيد وخلي زوجك يشوفك شيء موجود وشيء له احساس
ومثلها جميع المواهب
تحبين تطرزين طرزيي ولبسي خداديااات
تحبين تكتبين شعر اكتبي جيبي دفتر حلو وشكله جميل واكتبي وخليه ظاااهر قدامه وش المانع بيقراء ويتهزاء كوني ياجبل مايهزك ريح..
احفظي احاديث -قران _اسماء الله الحسنى_خليه يسمع لك مو رياء لا بس خليه يدري ان عندك همه وعندك شيء في حياااتك غيره وان الحيااااة ماتوقفت عليه هو بس
وهذي الحقيقه ..
المهم اللي ابي اوصل له لاتخلينه هو حياااااتك عيشي مثل ماتحبين
لاتعلقين حيااااتك به لان الاعمااار بيد الله نعم يمكن تكوني انتي قبله لكن يمكن يكون هو قبلك ساااعاتها يالامعه يالاتكاليه يامعدومة الشخصيه بتوقفين في مكانك وكان الدنيا انتهت ..<<عذرا على الكلمات اللي طلعت بس اختصر هههههههههه لاتزعلون احبكم ..مو قلت لكم الكلام من مخيخي..يعني بيجيكم صالح وطااالح
والشيء الثاني اللي ابي اوصله زين مازين
الرجااال مو واحد مثل ماذكر سابقا..
فلذلك لاتعبين نفسك وتلومينها وتكلفينها فوق طاقتها
باللبس اللي مدري وشو
والليالي اللي مدري وشيء
عشان يرغب بالجلسه عندي بالبيت ومايطلع
قلت لك كلا له طبع
,,زيح جبل ولاتزيح طبع,,
يااختي لك كرامه لك مكانه عزي نفسك لو انك مالك في الدنيا والي..
شوفوا الرجال فيه منهم اللي يبي الحرمه تقابله وتشوف طلباته وتجلس معه <<هذا قااابليه والله يكون في عووونك ..اصبري واحتسبي الاجر..
وفيه منهم اللي يحب الوحده يحب الهدوء <<هذا وفري له الجو المناااسب مثل غرفه خااااصه وترا مرات ينامون فيها عااادي هونيها تهووون حطي فيها مفرش سرير ونومي فيها معه اذا نااام ولاتكبرونها وانه مابينام بالغرفه عشان وعشااان لااحيانا ينام لانه يتابع الـTVوجاهـ النوم ونااام
الرجااال تراهم مثل الاطفااال سبحااان الله
طفلك جالس يطالع فلم كرتوني فجاهـ جيتي لقيتيه نااايم
هذا مثله..
وانتي خليه بحااااله ان جلستي اجلسي شوي حي الله من زار وخفف:)
وحاااولي تحسسينه انك مامتي عليه <<ههههههه كلمة تضحك بس تنفهم .. يعني انشغلي باي شيء
ما اقول نظفي وخبطي وقرقعي لانه بيعصب وياويلك منه وبيقول مو وقته وكلام طااالع ناااازل ..
اشغلي وقتك بالتصفح على النت ..قراءة مجله ..قراءة قران..
فيه منهم اللي ماااايحب يجلس بالبيت لاتظنين انه عيب فيك او مايرغب بالجلوووس عندك
لاوالله الاتلقينه يموووت فيك ويحبك ويحب عياله ومايبي يجيهم شيء
بس طبع وعلاقااات متعدده مايمديه عليها وتلقينه يموووت في القعده مع اهله والجمعه وخاااصة امه وابوه الله يطوول باعمارهم ويخليهم له هماه بينهم مو بين صيع ضيع الحمدالله
وبيتك صاير بالنسبة له مثل الفندق يجي له ينام وياكل
مايخااالف مااااعليه يالغاليه اصبري واهم شيء ماتظنين فيه ظن سيء ..
اما اللي كثيره سفراتهم على غير سنع ولامصلحه
وسهر بالاستراحااات
وحاله مايعلم فيها الا الله
اقول الله يهديهم ويصلحهم ويستر عليهم دنيا واخره
ويسخرهم لازواجهم وذرياااتهم
وادعوا لهم الدعاء الدعاء الدعاء
لاتستخدمين غيره
لان هذي النوعيه ماتجي باالكلام ولا التفاهم ولا الصراخ
منتهيه ومخها مقفل
وخااااصة اللي زوجها توه بالعشريناااات تعض على لساااانها لانهم مرااااهقين
اذا وصل الـ30 بيعقل باذن الله
الله يوفقكم دنيا واخره
هتان. @htan_29
عضوة فعالة
يلزم عليك تسجيل الدخول أولًا لكتابة تعليق.
*سحرالشرق*
•
جزاكي الله كل خير <<<<<< عاد هذي طالعة من قليبي:hahaha:
الصفحة الأخيرة