كلام موظفة الخدمة المدنية والعهده عليها

اليوم رحت مكتب وزارة الخدمه المدنيه بالاحساء , اختي متخرجه 7 سنوات اقتصاد منزلي وماترشحت ومقهوره

فقلنا نروح نسأل خاصه ان في بنات تخرجوا بعدها بسنه وترشحوا

المهم قابلنا الموظفه وكانت متعاونه الله يجزاها خير , عطيناها موضوع اختي وقالت التعيين اول شيئ كان على الاقدميه وبعدين المعدل وبعدين الرغبات ,, فاللي اقدميه ومعدلها مرتفع بس ماحطت رغبات كثيره فرصتها اقل من اللي مع

معدلها منخفض او اقدميتها اقل وحاطه رغبات كثيره وطبعا اختي حاطة ثلاث رغبات الاحساء الشرقيه الحفر ..

وسألناها عن الوظائف الادارية اذا لها فرصه ااو نعرف ترتيبها على الاقل وقالت ان الوظائف الادارية محصورة لغير التربويات

وان التربويات لهم التعليمي ولو نعينهم اداري بنظلم التربوي بتعيينها بغير تخصصها وبنظلم الغير تربويات والترتيب مايطلع الا بعد مايخلصون من المطابقه .. عطتنا امل بس ان ممكن يكون شاغر بعد الاستبعاد ويستدعون التالية في المفاضله ..


اختي احبطت كثير وطلعنا من الخدمه وهي تبكي ,, تتوقعون صحيح كلامها الوظائف الادارية لغير التربويات فقط ؟؟

البنات الغير تربويات فعلا يستحقون خصوصا ان منهم بنات اقدميتها من 10-12 سنه

ادعو لاختي بنات والله انها تحزن الله ينزل عليها السكينه والقناعه يارب ..ويعوضها بالتوظيف في الوقت والمكان المناسب ..

بس الخنين قال بتجري مفاضله الاداريات للخريجات التربويه والغير تربويه !!!