الله يسخركم لبعض

ياحياتي ماعليك منه ﻻ عاد تناقشيه عيشي لنفسك وخليك واثقه من نفسك..وخليك اجتماعيه حاولي تنشغلي بشيء ..والله يرزقك ويصخره لك يارب

شوفي أنا أكلمك مثل أخت لك اسمعيني أنتي فيك شي مو عاجب زوجك هذي واضحه وضوح الشمس
حاولي تفهمين ايش هو
ثاني شغله الرجال يكره التشره وليش قلت كذا وليش سويت كذا وأنت جرحتني وانت وأنت
انتبهي ترى يدقر لك يوقف لك على التكه أذا عاملتيه بهذا الأسلوب
حاولي تكونين رايقه قللي كلامك معه
من قالك أن السعاده فإن يكون وجهك بوجهه 4 ساعه وسواليف وضحك ترى الرجال مو كذا
ما فيه رجال يدق حنك مع مرته طول اليوم كل الرجال كلامهم قليل ترى هذا طبع وعادي تأقلمي
أعرف بتقولين لي طيب وين اروح لا طلعه ولا روحه ولا جيه كيف أتونس
انتي طول اليوم نقرك بنقره كيف تبين يمشيك و بداخله يقول على نكدها هذا خله تنطق بالبيت تستاهل
وبعدين والي احسه ان زوج يسمع مدح عن فلانه وعلانه علشان كذا دايم يقول انتي مو مثل الحريم
لأ انتي احسن منهم كلهم وأسنع منهم كلهم ولا تخلينه يفكر يقارنك بغيرك
أعرف وضعك صعب ونفسيتك زفت
لكن الوحده لازم تكون فطين لأمورها مع زوجها
والشغله الأخيره نصيحة احرمي زوجك من الفراش ويجيك ؟؟؟؟؟؟
انتبهي ترى هذي خراب بيت
لاأشبعيه ودلعي وملي عينه هو ليش تزوج علشان ياكل ويشرب
ماهو لاقي الأكل وشرب عنده أهله
وحاولي تكونين مزوح ودمك خفيف
أنتبهي تنكتين بكلام ماله طعم مثل ما قلنا كلامك معه قليل
وخلي على لسانك كلام حلو أمر حبيبي وأذا نادك قوليه نعم بيبي وهاه من هالسوالف والخراط الي بلاش
وأهم شي أذا طلع ودعيه وأذا جا استقبليه
وأذا زعلتي منه لا تنطين وتقولين شف فلانه كيف عايشه وحسرتي على حالي صابره وماهو مبين بعينك
أنتبهي قولي له ماهذا العشم فيك ......ماهقيتها منك
وأعطيه نظرت زعل وعتب وخلي موقفك جدي وأطلعي من المكان الي أنتم فيه وبس وشوفي النتيجه
راح يستحي على دمه ويجيك يعتذر
أما انك تكثرين الكلام وشرهات وشف فلانه وشف علانه ماراح يعتذر منك
لأنه يشوف أنك انتي الغلطانه بحقه والمفروض انتي الي تعتذرين
والله يوفقكم ويسخركم لبعض

الله يسعدكن ماقصرتن
حبيبه ميدو ابسالك
كيف اسمعه كلام حلو وهو جارحني انا طبعي ع طول دموع قبل ماتكلم اول ما جرحني سكت ودمعت عيوني وبكيت لان نفسيتي تعبانه من كل جهه
حملت بعد سنوات من العلاج ومات بولادته
زوج امي طاردني من البيت وبنفس المكان اللي هم تبلوا علي ناس وشوهوا سمعتي
مديونه بسبب علاجي للحمل ولا سددت والولد مات
نفسيا تعبانه ابسمع كلام حلو كلام يطمن مو ينعتني بالنفسيه ويالمريضه يقول تعودت ع دموعك ماصارت تهمني
والله لو يعتذر ويبدا معي صفحه جديده لانسى وقلت له هالكلام وقالي شوفي نفسك
راح انجن انا قايمه ببيتي وفيه متحمله الفقر
ولااشتري زي الحريم
ابغاه يحس بغلطه كيف
صعبه ابادر بالكلام الحلو واقرب منه للعلاقه وهو جارحني
ابغاه يحس بغلطته بس كيف

اسأل الله العظيم ان يسخر لك زوجك ويرزقك الذرية الصالحة


استغفر الله الذي لا اله الا هو الحي القيوم واتوب اليه
استغفر الله الذي لا اله الا هو الحي القيوم واتوب البه


لمن تريد تغيير حياتها ( الاستغفار + الدعاء ) وستلاحظين الفرق


الله اكبر الله اكبر ولله لا اله الا الله .. الله اكبر الله اكبر ولله الحمد