كلمات خطتها طفله صغيره بعد وفاه والدتها ..
..... يمه......
تكفين إسمعيني..
يمه بسألك شئ
جاااوبيني..
هوصحيح اللي مات
داخل القبر يصير حي ..؟؟
..... يمه......
أسمع أنا صوتك ..
كل يوم أسمعه..
وإذا أحاكيك هاوشوني ..
قالولي إنسي...
يالله روحي إلعبي...
يمه تعالي ارجعي ..
والله خلاص بسمع كلامك ..
مأخرب ألعابي...
وإن قلتي يالله روحي نامي ..
أروح حتى ماتزعلي...
يمه تكفين ارجعي ..
اليوم حطت لي المديرة..
نجمة من فوق جبهتي..
سمعتها تقول....
مسكينة هالبنت صارت يتيمة...
قالت لها أبلة منيرة...
مسكينة توها صغيرة...
وش كانو يقصدون...؟؟
يمكن عشاني صرت عاقلة...
ولا عشاني دايم اسرح...؟؟
يمه مريولي توسخ.....
ماكان قصدي اوسخه...
بس تذكرت انك تقولي ..
بعد شهرييين.....
بشتري لك لبس ثاني..
يمه تعالي اشتري...
يمه عرفتي مها...؟؟؟
صديقتي اللي معي...
زاعلتني..
تقول صرت مااضحكها ..
راحت تدور غيري....
عشان تلقى أحد يونسها ...
.. يمه ..
يالله خلاص لا تمزحي...
يالله قومي ....
تعالي معي للبيت ارجعي...
.... يمه ...
يمممه نسيت شئ ..
بقولك ترى بيتنا صار فاضي...
وكل اللي فيه أنا وأخواني ...
ليه وين أقاربنا ..؟؟
وين خالتي..؟؟
اللي كانت تجينا..
يممه قومي يالله تعالي
تكفين يالله تعالي...
ماودي ارجع لحالي ..
والله خايفة ..
ترى أمس جيتك..
مارديتي...
حسبتك نايمة...
أوأقولك ...
خلاص خلاص ..
أنا بجيك بكرة ..
إذاراحو الناس من هنا ...
تكفين يمة بكرة اصحي..
تكفين يمه ارجعي....
الله يرحمها ويرحم امواات المسلمين
:(
رحالة عبر الزمن @rhal_aabr_alzmn
كبيرة محررات
يلزم عليك تسجيل الدخول أولًا لكتابة تعليق.
رحالة عبر الزمن
•
رفع
قلبي عليها
فعلا .. اسلوب وحده صغيره فاقده امها
يارب تخليلي امي
ويارب تخليني لعيالي ههههه
وتخلي كل الامهات
بالعكس ياقلبي ... خل قلوب بعض الامهات القاسيه واللي تستخدم
اسلوب الضرب .. او اللي تزعل على عيالها وتهاوش على اي شي
وكل شي
حتى تقول .. ما اوسخ مريولي نقاط دقيقه .. يعانون منها الاطفال
( خلي اللي على قيد الحياه .. يعرف كيف الوضع اذا فقده )
لا اله الا الله
فعلا .. اسلوب وحده صغيره فاقده امها
يارب تخليلي امي
ويارب تخليني لعيالي ههههه
وتخلي كل الامهات
بالعكس ياقلبي ... خل قلوب بعض الامهات القاسيه واللي تستخدم
اسلوب الضرب .. او اللي تزعل على عيالها وتهاوش على اي شي
وكل شي
حتى تقول .. ما اوسخ مريولي نقاط دقيقه .. يعانون منها الاطفال
( خلي اللي على قيد الحياه .. يعرف كيف الوضع اذا فقده )
لا اله الا الله
الصفحة الأخيرة