كلكم ادخلوا الموضوع بيجرحكم ... بس زودتونهاااا

××××××

كل واحده فيكم همها شلون اتزوج وشلون انحف وشلون اخليه

ما يفكر بغيري وشلون اقدر امارس معاه كل شي ويتعلق فيني

كل مره اكثر ، واشلون احمل ، وش اطبخ ، وش اغسل ، وكيف

اصير احلا ، وشلون اكون اكشخهم بالضيافه

وشلون اقهر فلانه وشلون اطلع انا الصالحه

وشلون اكون المثاليه ولكم حق بكل رغباتكم ولكن

اولادكم واخوانكم لا حياه لمن تنادي مالت على تربايتكم

الزفت .... مهو اول مره اكتب شي عن التحرش

ولا اول مره انزل موضوع عن مواقف يدمي لها القلب


ولا اول مره انزل شي عن تحرش عيالكم على عيال الناس

وبالاخص الاطفال واللي شخصيتهم على قد حالها هم

المتصدرين لهم

و انا فوق الخمس سنوات بالمنتدا وبين فتره وفتره اذكر حادثه

وكل سنه الوضع يزداد سوء

اقولكم بالنسبه لعيالكم واخوانكم ايش اللي تسونه لهم ،

حبيبي اوعك حد يمسك هالمكان ، لحد مسك شي قولي

حبيبي لا تشوف شي مو زين حبيبتي لا تكلمي شباب

وبينك وبين نفسك انا اخاف عليهم ، واخليهم يلعبون بالشارع

اخاف عليهم واخليهم يناموا برا بيتهم بحكم انهم صغار او

متعودين

اخاف عليهم ومسكتهم النت بيديهم وماني مراقبتهم

اخاف عليها واخليهم يروحون البقاله لحالهم

اخاف عليها وعبايتها وملابسها هتنفجر من على جسمها حتى لو
ببيتهم / الشيطان ترا باقي ما مات

لا تقولي ابوها واخوها وعمها وخالها ، بلا هم

انتي اهلك كانوا كذا معك ؟؟؟ مخلينك على كيفك وتسوي اللي

براسك وتلبسي اللي تبيه وتطلعيها مع صديقاتها ومدري ايش

لو كانوا كذا فأنتم عايله فاسده ،

خاصه اذا باقي تحت العشرين سنه

كل شي وله وقته وحدوده

بقولكم على شي صار لسه طااااازه ويا حسره على الرجال اللي

شادين روحكم عليهم وعلى بالكم بتدخلون الجنه من وراهم الا
ما رحم ربي منهم

أمس جارتنا كانت رايحه الدكتور وخلت عيالها مع ابوهم

بالسياره وعيالها بخامس ابتدائي زوجها نزلها عالمستوصف

وراح اخذ العيال وكانوا يبوا شي من البوفيه وخلي عياله

بالسياره نزل و تتوقعون ايش شاف يا من تخافون على عيالكم

طبعآ البوفيه فيه تقريبآ 4 رجال و 3 عيال بثانوي ومتوسط

اعمارهم هالعمر مدري هم بأي مرحله بس الله لا يبارك لا فيهم

ولا في اهاليهم

وشاف ولد صغير تقريبآ بثاني او ثالث ابتدائي وال 3 عيال كلهم

قاعدين يتحرشوا بالولد الصغير ويمسكونه من تحت ومن ورا

وفهمكم كفايه والولد الصغير قاعد يدف يديهم والاربع حريم

اللي واقفين قصدي الاربع رجال قاعدين يتفرجوا عليهم


الين ما شاف زوج جارتنا كذا ، قفل باب البوفيه ورمى اغراضه

وقعد يسب

ويلعن فيهم ومعصب عليهم ولا حتى قالوا له شي لين الهندي

قعد يهدي الموضوع واخذ الولد الصغير الطلب ورجع ع

سيارتهم ..


و ترا القصص اللي بالدنيا لسه اوسخ واقوى والمدارس

والجامعات حدث ولا حرج

ترا اللي بالمنتدا هم اللي بالمجتمع الغرض من الموضوع كونوا

حرصاء اكثر على عيالكم وكل من يعز عليكم علموهم عالقوه

وازرعوا هالشي فيهم تابعوهم حدثوهم دايمآ ان في شي كذا

وكذا خلاص الدنيا ما عادت مثل قبل الحين عندنا تكنلوجيا

قويه تدخلي الاستقرام والله بالاكسبلور تطلع صور ومقاطع

وسخه ... يعني بالغصب يبونكم تشوفون الوساخه

انا عندي بقاموس حياتي مافي شي اسمه استقرام

للصغار واخواني مطبقه عليهم هالنظام ومعلمه امي عن السبب
وشكوا لأبوي وأمي فهمته ليش ما نبيهم يكون لهم استقرام

حدهم فيس بوك وواتساب وبإشرافكم وتعرفون وش يقولون

وايش يسون




اللي يشوف موضوعي يقول عندي 10 عيال


بس انا لا متزوجه ولا شي انا عمري 23 وقاعده اشوف كل

هالمصايب بحياتي ولله الحمد


اللهم لا تؤاحذنا بما فعل السفهاء منا