وطالما في تأثر وتعب وزيادة اعراض معناته ماشية صح استمري استمري اهم شي الصبر وحسن الظن بالله
والله يشفيكي

والله مدري يا أخت أم ندى
أنا لما قريت موضوعك لقيت كم عرض عندي بس مو متأكدة إذا فيني شيء أو لأ!
بس أنا فشلت في بعثة دراسية وقدمت الأخت كذا مره ومانجحت حطيت في بالي إنه حسد والله أعلم
لأن الموضوع كان مو طبيعي والله أعلم !
بس الحق عمري ماخضعت لرقية شرعية دائمة للحسد أو العين أو غيره مو عدم يقين لأ أحس بإستثقال الرقية
سبحان الله يعني لو رقيت اليوم نفسي تلاقيني بكره نسيت وإلا تثاقلتها وإلا أجلتها !
الله يصرف عنا الأمراض روحية كانت وإلا جسدية ويكفينا شر كل ذي شر

بس كيف ممكن يكون الأرق عرض من أعراض المرض الروحي لأني هالفترة أعاني بشده منه
وأحس إني مابغى أنام مو عارفه ليش مدري هو قلق وإلا آيش بالضبط!

لو ارق بس ما نقدر نحكم
ممكن ارق نتيجة تفكير في مشكلة او ضغط نفسي
المهم في الاعراض المذكورة
لازم يكون مافي سبب طبي او غيره
وبرضو لازم كذا عرض
ويمكن البعثة ما كانت تنطبق عليكي الشروط
انا رحت بعثة اربعة شهور ورجعت وبرضو من مشكلة لتانية وقبلها مرضت فجاة لدرجة بغيت اموت
كله ما كنت اعرف ليش بيصير معايا كدا
غير مشاكلي مع زوجي
لما اقعد بيت اهلي فترة ويجي موعد رجعتي لبيتي اقعد ابكي بكا قبلها واعصب واكتئب مرة
بس الحمدلله علاقتي مع زوجي دحين احسن ماشاءالله

وفي البداية لما تجي تسمعي رقية اسمعي رقية عامة
مو تقولي انا فيا عين او حسد ايش عرفك
يبان مع الرقية والاعراض اللي تصير اثناء وبعد الرقية