السلام عليكم ورحمة الله وبركاته
اسال الله العظيم ان يشفيك ويشفيني ويشفي بنات حواء جميعا
حبيبتي بالعكس انا سبحان الله الاحلام كانت اول مابديت الرقيه مع الشيخ شي لا يطاق من خنق لي لتخويف بس تدريجيا بدات تخف وصرت اللحين ادا شوفت حلم او كابوس اصحى واتعود من الشيطان واقلب على الجهه الثانيه واصحى الصباح وانا مبسوطه ليقيني انه العارض متاثر جدا من العلاج والحين عارفه ايش صار تفكيري
(الاحتساب وانه تكفير عن الدنوب اللي اقترفتها واهمالي في العبادة ) وانه المس خليه يقعد في جسمي ماني مستعجلة خروجه ومع دلك ماني تاركه العلاج ابد هو يعاند وانا بحول الله وقوته متاكده من النصر وانه الله سوف ينصرني عليه ولو بعد حين وصرت ادا شد علي الالم في اي مكان في جسمي ابتسم رغم ان عيوني مليانه دموع واقول الحمدالله ووالله اني احس بحلوتها فالله يكتبنا من الصابرين (انا كنت احسب فيني مس عاشق لكن طلع مع الاستمرار مع الرقيه عين وحسد وسحر امس انا كنت عند الشيخ ومن اثر الرقيه طلعت في بطني في راس المعدة بحجم البرتقالة زي الكويه تخيلوا بعد ساعه من الرقيه والمها مو طبيعي صرت حتى الكلام والضحك تعورني كاني مسويه عمليهوالحمدالله على كل حال واعتبره اني في طريق العافيه ان شاء الله
فياختي لاتياسي وواصلي خلي الكوابيس تجي معاليك منها كلها تخويف لانهم اتاثروا فهدا اسلوبهم لكن الله ينصرك عليهم
بس حبيبتي ابغى اسالك عن خلطة الرومي لان وحده من صديقاتي قالتلي لاتخرجي من بيتك الا حاطه في جسمك خلطة الرومي تعمليك زي التحصين بادن الله
لاني اداوم وماابغى اتعب واطيح في العمل تعرفي صعبه مرررره

الله يشفينا اجمعين يارب وربي شجعني كلامج الحمد لله اني رجعت اصلي وحاسه اني اقوى بإذن الله بس بالنسبه لخلطة الرومي لا سويها في البيت واذا عشان تروحي الدوام دهني جسمك بزيت زيتون مقري بالليل وبتقومي الصبح جسمك متشربه ولاتغسلينه ورشي على نفسك زي ماقلت انا بالمرش ماي زمزم مقري فيه وماي ورد على جسمك كامل والبسي عادي وروحي الدوام كذا جسمك محصن بزيت مقري وماي زمزم وزيت كل يوم وصدقيني حركة المرش واجد ريحتني والله يشفيج حبيبتي ويريحك وربي اني ادعيلك من كل قلبي يالله يارب تعجل في علاجها وتشفيها وتشفي جميع بنات حواء يارب وكل مبتلي يارب اجر حبيبتي والله يكتبنا من الصابرين اللهم امين

الله يشفيك ويعافيك و يبعد عن كل المسلمات الضرر

طيب انا عندي مشكله مادام مجتمعين هنا !!

انا اخاف اصلي الفجر خصوصا اذا كنت لحالي

استنى لين يطلع النور عشان اصليها
احس برعب

ما ابي اكون منافقه لان المنافقين هم اللي يتثاقلونها
لكن انا مو ثقل

خوووف
وش اسوي

ملاحظه شخصيه:
الحفاظ عالصلوات و السنن و القيام بالبقره والاستغفار والتهليل والذكر و التحصين و قراءة سورة يس + الحديد + الجن + الصافات + الشرح 7 مرات
كان لها اثر غير طبيعي .. والله اني حلمت فيهم خايفين و بعضهم مسجون ((اسد ازرق محبوس و غاضب يبي يوصلني)) و كلب اسود خايف من الجدار اللي انا محتميه فيه ((جدار الرقيه فيه المعوذتين وايه الكرسي و الشرح 7 مرات))
و صرصور اخضر كبير يحتضر
غير اني شفت نمله في الحقيقه مو حلم مجنحه و كبيره قدام شنطتي اليدويه قاعده تحتضر !!

غير مؤشرات كثيره تدل على اني تخلصت من 70% من الاعراض لكن الان انتكست وجالسه ارجع من جديد قد ما اقدر لجدولي القديم

انصحك فيه

بالنسبه للزيت صعبه لان جسمي دهني و وجهي يطلع حبوب مع الزيت بس بحاول لو اخلطه بكريم

اختي الله يجمعنا على خير يارب بالعكس اللحين احنا كلنا مجتمعين بإذن الله اساعدك واتساعديني وانصلي مع بعض احنا كلنا بوقت واحد لاتخافين واذا ودك بكون معك ودوم تذكري من توكل على الله فهو حسبه انا الحمد لله رجعت اصلي وامس جاني كابوس بعد بس اضعف من قبل ولله الحمد وناويه استمر والله يشفينا اجمعين

بنات انا اكثر من مره اشوف مرت عمي هي الجاثووووم واخر مره اشوفها تناديني عشان التفت وبعدها يجيني القزم يركض عشان يذبحني وانا اذبحه وانا اقرى اواخر سورة البقره بنات قولولي مرت عمي حبوبه بس معروف انها غيوره ابي اعرف وش علاقتهاااا بالاحلام اكثر من مره هي اللي تجي وقلت لهاااا مره قالت اللي فيج يكرهني بنات انا لاشفتها يضيق صدري واهاوشها على اتفه الاسباب وابيها تطلع مني مااحب اجلس معها بروحنا واذا سولفت مااقدر احط عيني بعينها بنات هي في شي ولا هي ناظلتني من غير ماتقصد لاني سمعت انه الواحد يحس شيرووو علي الله يريحكم يارب