كلكم راعٍ وكلكم مسؤل عن رعيته👌 مقتطفات تربيويه .

السلام عليكم ورحمة الله وبركاته
بسم الله الرحمن الرحيم
الحمد لله ربِ العالمين والصلاة والسلام على محمد بن عبد الله وعلى ٱله وصحبه أجمعين .
حبيت اليوم اطرح موضوع يفيد الجميع في تربية الابناء سؤاء اطفال او مراهقين،
يوجد مثل يقول ، التعليم في الصغر كانقش على الحجر 👌 فعلاً له اثر كبير التعليم في الصغر
مثل تعليم الطفل على المحافظة على الطعام وحفظ النعمة ومثل تعليم الطفل على الستر وعلى الاذكار ووو...)
ΠΠΠΠΠΠΠΠΠ
بذكر لكم موقف
حرمة من حمولتي دايم تفسخ لولدها السروال قدام الجميع سؤاء حريم او اخوانه في البيت في حدايق في اي مكان وتقوله يلا ع الحمام هذا بعمره سنتين اوثلاث والحين الولد عمره 6 يعني كبير يفهم ويميز صار عندة الوضع عاااادي يفصخ قدام اي احد ليه ، لان امه ماعلمته من البدايه انه عيب نفسخ قدام احد ووقت حاجته ماتقوم معاه عند الحمام يفصخ فهو يفكر هذا شيء عادي جداً ومن الصعب ابحين تسيطر على الوضع فهمتها من قبل قالت يكبر ويتعلم ، والحين تقولي مو راضي يفهم !
....
يجب تعليم اطفالكم من البدايه انها اماكن خاصه وماحد يشوفها ولا يلمسها من وعمره سنه وهو سن التمييز البسيط وقت تغير الحفاض سولفي مع طفلك في هذا العمر هو مرحله تسجيل قولي له حبيبي عيب هذي مناطق خاصه ماحد يشوفنا ولا يلمسنا فيها واي احد يلمسك ويشوفك تعال علمني .
ΠΠΠΠΠ
تربية اطفالنا على قال الله وقال الرسول ولكن بمستوى تعليمهم مع التنبيه على بعض الامور الخاطئه في التربيه
مثل حفض النعمة ولدي الله يهديه عمره سنه و9 شهور ياكل واذا شبع ينثر الباقي ويبدأ يحوس واذا كان سايل يتدهن فيه فصرت اقوله عيييب بعدين يخلص يصير بح صحيح مافهم عليه الحين لكن لقدام بيكون رسخت بذهنه اننا نلم ابنعمة ونحافض عليها واذا ماحفضنا عليها تروح
واذا كان بعمر اكبر مثل 4 او5 هنا نقوله بعدين الله ماعاد يعطينا ومانرمي النعمة بالزباله ونخصص لها حاويه طعام يعني كل عمر نوعيه على قد فهمة .
ΠΠΠΠ
علم طفلك القرٱن وسيعلمة القرٱن كل شيء
من سن 4 سنوات يقدر يحفظ وبعظهم من قبل سبحان الله على حسب مهارات الطفل
ونسوي لهم وقفات مع الحفظ ومقتطفالت وذكر لهم قصث الانبياء
تربي طفلك صح ماتتعبين وقت المراهقه
ΠΠΠΠΠ
الصلاة
اامروهم لسبع واضربهم لعشر
ليه اختار الاسلام عمر سبع ؟ لانه سن يكتمل فيه تميز الطفل وعشر يدخل في دائرة المحاسبه ،
ربي طفلك على حب الصلاه وعلقيه بالمساجد وابشري بابخير لما يكبر
مو وقت مايصير عمره 15 نقوله قم صلي !
ΠΠΠΠΠ
طهري سمع وقلوب وعيون ابنائك وشوفي الخير فيهم
يقول الله عز وجل في كتابه ﴿وَلا تَقفُ ما لَيسَ لَكَ بِهِ عِلمٌ إِنَّ السَّمعَ وَالبَصَرَ وَالفُؤادَ كُلُّ أُولئِكَ كانَ عَنهُ مَسئولًا﴾

علميهم مراقبت النفس والبعد عن سماع مايغضب الله ورؤيت مايغضب الله
وتنبيه لاتقولين الله يزعل منك ! لم يرد اسم من اسماء الله هكذا .
احذري دخول المحرمات في بيتك مثل ان تتبابعين افلام او مسلسلات او اغاني او تكونين ممن لايحافظ على الحجاب الصيحي او اللباس العاري امام اطفالك او اينائك المراهقين او شراء لهم ملابس عاريه او اتباع موضات مخله ما اقولك الموضه حرام لكن بعض الموضات شماته واستهزاء وسخافات مثل موضات هذي السنه المشقق وقال ايه موضه! الحمد لله الذي عافانا مما ابتلى به كثير من خلقه ، بخلوا على الفقراء فألبسهم الله لباسهم بأنى الاثمان ، احرصي الا تكونين من نساء اهل النار نساء كاسيات عاريا الى نهايت وصفهم ،
اصلحي حالك انتِ وزوجك وحال ابنائك وابشري بالسعادة
ΠΠΠΠ
ابتعدي عن الضرب واستبدليه بالعقوبات الضرب يزيد مايعقل ولا يربي
ΠΠΠΠΠ
وختاماً
سبحانك اللهم وبحمدك اشهد أن لا اله الا انت استغفرك واتوب أليك