كلكم مثلي محبوسين وازواجكم مهمله والا بس انا ؟؟؟

السلام عليكم


كيفكم يا بنات


بنات انا مررره متضايقه ومهمومه وماعندي احد اشكي له ابداً وساكنه بعيد عن اهلي في غربه مع زوجي


وبشكل عام ماحب اشكي للناس واطلع اسرار بيتي كاتمه كل شي بصدري اصلا مشاكلي كثيره ومو عارفه من وين ابدأ والله اني تعبانه مدري هرمونات حمل والا الموضوع فعلا يستاهل اتضايق


زوجي مهملني ومهمل بيته وعياله على طوووول مشغول في عمله يطلع من الصباح مع المدارس وما يجي الا المغرب والحين يقول ضغط عمل يجي 10 او 11
وانا وعيالي محرومين من كل شي مرت علينا اعياد الفطر والاضحى لا طلعنا ولا تمشينا وقت الاجازات يودينا عند اهلي وهو عند اهله اشوف الناس تطلع وتنبسط وانا لا اصلا هونت مابي اتمشى ابي اخلص اشغالي انا حامل وهذا شهري وتوني مقضيه للبييي بالمووووت وباقي اشياء ناقصه بس مو فاضي يوديني يقولي انتظري الراتب والويكند افضى شوي والحين يقولي لا في الويكند بروح لاهلي اسبوعين ماشفتهم


انا هنا انفجرت
انا بعد اهلي مو يمي ماقلت بروح يقول انا ما منعتك وانا حامل ماقدر عالمسافات الطويله واروح واجي وعيالي مدارس تعبت من البهدله والراحه والجيه وهو مايهمه الا نفسه صار لي فتره انتظر يفضي نفسه عشانه طول الاسبوع كرف والويكند يدور سالفه وشغله وانا بالطقاق
وعنده حرام اركب مع تكسي او سواق وانا الحين ماعندي سالفه الا سواق تعبت كل في البيت بس احاتي واحرق اعصابي ع الفاضي لو وحده غيري قضت وخلصت من زمان
ولو طلبت مكان يسالني كم محل وحدك محل واحد وشنو بتشتري والساعه كم بتخلصي ويعصبويستعجل في كل شي حتى في السواقه اموت خوف منه ومن سواقته اكره الطلعه بس مضطره
اذا وداني مستشفى يحسب الوقت وع اعصابه وكل بسرعه بسرعه كانه بكيفي لا يتاخر ع دوامه واذا تاخر يعوض بدالهم وعيالي يتضايق ياخذهم من المدارس يعطلوه عن شغله
اقوله حط لنا سواق وفكنا يقول على موتي ومستحيل يحط سواق اصلاص لان ماعندنا ناكل ظروفنا صعبه وديون وحاله لو على هالشغل والكرف فيه مدخول كان اقول عادي يوفر لنا عيشه كريمه بس ديون وما يبقى لنا ريال احيانا اقول بطنشه بس مالي غيره هو ما يستاهل اهتمامي ولا تضحياتي والا كان قدر حتى سناب هونت ما ادخل مابي اشوف اخد واتحسر ع حالي بس نفس الشي ادري انه حالي اردى من كل الناس بس انا تعيسه ومحبوسه وماحد درى عني
بديت افكر ليش تزوجته لو متزوجه غيره كان حياتي افضل بكثير كان عندي فلوس ومرتاحه بدون ديون ولا اجار وزوج يهتم فيني ويلبي طلباتي وطلبات عيالي حتى عيالي مساكين ارحمهم من كثر الحبسه كل واحد يحط حرته بالثاني كل خناق وانا من الضغط اللي انا فيه اضربهم واصيح واضمهم بعدها


خايفه على اللي في بطني من الضيق اللي انا فيه والصياح والهم طول وقتي اصيح ومهمومه ومتضايقه وماحد حاس فيني


حتى بالقروبات ملاحظين اني ما اشارك في شي ومنقطعه عن كل شي مالي نفس بس ماحد سالني شفيك او اخذ بخاطري احس اني مو مهمه ولا لي داعي في هالحياه بس طبخ وتنظيف وتربية اطفال نفس الخدامه بس بدون راتب ولا تقدير


عذروني طولت عليكم بس فيني ضيقه مو طبيعيه


دعواتكم لي الله يفرج همي