كلكن تعالن هنا😡😡😡😡

السلام عليكم
مساء الخير
راح ادخل بالموضوع طوالي
صدق من قال ان الحرمه عدوة الحرمه


يوم دخل رجال بالمنتدى يشتكي من حرمته كلكن هبيتن ولبيتن النداء ((ليتهم مناديكن للحد الجنوبي تحاربن بنشوف مراجلكن))




رد وراء رد وصلت الردود اكثر من60 رد وقابله لزياده ويوم تسألكن حرمه ماتعطنها وجه ليش؟




اللي تقول تزوج عليها ترضينها على نفسك؟
😡 لو زوجك مزح مزحه بطاري الزواج قومتي الدنيا ولا قعدتيها


اللي تقول عطها كف يلف راسها ترضينها على نفسك ؟


اللي تقول مدلعها بزياده ياختي حقها حرمته ومن حقها يدلعا ومن حقها تدلع عليه
اجل ماتبين زوجك يدلعك؟


واللي تقول الاجنبيه تصبر على كل شيء مب زي السعوديه 😡😡😡😡هذي ودي امسكها واقطعها باسناني الاجنبيه تبي الخليجي منشان ماله ويوم يفلس تتركه لحاله


واللي تشكره على عطفه وحنانه على زوجته والله يكثر من امثالك صدقتوه؟ طيب ليش ماتصدقن الحريم؟
ولا الرجال منزهين من الكذب
احنا سمعنا من طرف واحد الطرف الثاني مانعرفه ولاسمعنا منه حرف


بالاخير حب لاخيك ماتحب لنفسك
ردي رد زي العالم والخلق ولا اسكتي




واتمنى من الادارة تعليق عضويه الرجال
مالقي احد يشكي له من اهله او اهلها جاي يشكي حاله لكن يابنات عالم حواء وصراحه بيض الله وجيهكن ماقصرتن كفيتن ووفيتن اثبتن مقولة الحرمه عدوة الحرمه


دمتم بود
لاتنقلون الموضوع🔫🔫🔫