كلللللللوش اخيرا صار سيراميكي يلللق

السلام عليكم ورحمة الله وبركاتة
صباااح ...مساااء الخير اخبااااركم يا حلويين ان شاء الله تماام
زمان ما كتبت موضوع بس دايما معاكم واحاول اشارك بمواضيعكم على قد ما اقدر ما نستغني عن عالم حواء وعضواتة الله يسعدكم ويوفقكم وييين ما كنتم
ندخل بالموضوع ما ابغى اطول علييكم----»بدري
بنات انا لي فترة ساكنة ببيتي ملك يالله لك الحمد بس نظرا لضروف استعجلنا وما جلينا السيراميك وطول هالفترة وانا احاول انظف السيراميك ما خليت شيئ ما جربتة كلوركس وصابون -فلاش-كربونات الصوديوم-منظف لسيارات قالو كويس لسيراميك وللاسف مصاريف وتعب عالفاضي  
وقبل فترة حصلت بساكو منظف للسيراميك اسمة ديكسن ب30ريال بس توكلت على الله واخذتة قلت اجرب ماني خسرانة شيئ وبصراحة انصدمت من نظافة السيراميك ولمعانة حتى الترويبة اللي بين السيراميك صارت بيضاء جد جد انبسطت من النتيجة ولي فترة منظفتة واللمعة والنظافة زي ما هي بس انظفة كل اسبوع  تنظيف عادي 
حتى اخواتي زاروني ولاحظو النظافة واللمعان 
بس فية مشكلة للاسف ياثر على الحديد والالمنيوم نظفت فية ارضية المطبخ وللاسف من قوتة اتاثرت مسكات ابواب الدولاب واتغير لونها يعني اذاء بتستخدمية انتبهي لهالنقطة هو مكتوب علية تحذير بس انا قلت بما اني بس حمسح الارضية ما فية ضرر ولانة قوي اتاثرت الدواليب 
هذي تجربتي وحبيت افيدكم بنات وما ابغى منكم الا دعوة حلوة..