...
ما أقرب الموت..
كم من ناس فقدناهم بوقت ما توقعنا نفقدهم فيه..
كم من ناس كنا نتوقع ان وقتهم معنا في الحياة رح يكون اطول و استبعدنا ان الموت بياخذهم عنا بوقت بدري..
ويجي الموت وياخذهم بلمحة بصر سبحان الله ..
اللي فقدوا الأب
واللي فقدوا حنان الأم
واللي فقدوا أخ
واللي فقدوا اخت
واللي فقدوا صديق
واللي فقدوا اشخاص عزيزين وغالين ع قلوبهم ..
بمجرد ما تفقد انسان قريب منك تبدا تكتشف ان الحياة قصيرة وان الدنيا ما تسوى و ربي ما تسوى وان عدد ايامها وساعاتها بالنسبة لك هي بس عدد ايام وساعات عمرك فيها فقط وتروح من عليها و ما كأنك عانيت ولا كأنك شكيت ولا كأنك ضحكت ولا كنك بكيت ولا كأنه كانت لك أحلام وآمال و لا كأنك كنت موجود اصلا وتصير فقط مجرد ذكرى.. و تبدا بعدها تستوعب ان اهم شي في الدنيا شي واحد..
(كيف تحسن علاقتك بربك).. فعلا يبدا تفكيرك بعلاقتك بربك يكبر داخلك ويقوى بمجرد انك تفقد شخص عزيز ع قلبك..
....
ماقصدت بكلامي هذا كله ما تحلمون وما قلت ما يكون عندكم امل ..
بالعكس حلو الواحد يركض ورا أحلامه و يحاول يحققها حلو يكون له بصمته في الحياة.. والأحلا والأجمل انك تجعل حياتك لها علاقة بربك تتوكل عليه بكل أمورك ..بكللل أمورك ..وتكون قريب من الله لان الله قريب منك ..الله ما ينسى عبيده وعبيده نسايين ..
ونتذكر انه مهما اصابنا في الحياة من فرح او حزن كله من تدبير الله وتصريفه للأمور وان الله يحبنا ومايكتب لنا الا كل خير حتى لو كان ظاهر الشي شر بعديييين نكتشف انه خير وخيره من الله ..ونتذكر ان كل شي يمر بالحياة ..حلو والا مر..فرح والا حزن ..ضحك بكا .. كلللله بالاخير مجرد ذكرى وان كل شي يهون في الحياة كل ما تذكرنا ان فيه رب ماينسى عبيده وانه يمتحنهم ويختبرهم عشان يقربنا منه اكثر لأن نهايتنا ومرجعنا وآخرتنا له (لله) ..
و حط في بالك ان كل يوم يمر من حياتك تراه فرصة لك تتقرب من ربك غيرك ما لحق غيرك راحت فرصته وهو يؤجل ويؤخر والايام تاكل من عمره..
حق من حقوقك انه يكون لك مكان عند ربك في جنته فلا تضيع حقك وتظلم نفسك وتلومها بعدين...فاغتنم فرصتك ولا تضيعها
..
هذي أول مشاركة لي اكتب موضوع وان شاء الله كنت خفيفة عليكم 🌹☺ مجرد كلمات خطرت ف بالي وحبيت انقلها لكم
الله يرزقني وياكم كل خير ويجمعنا ع خير في جنته يارب🌹
...