كلمات من اولادنا اللي تفطسنا ضحك ههههههههه

السلام عليكم ياحوائيات ياحلوات
وش رايكم كل وحده تكتب كلمات اولادها اللي تضحكها وانا راح ابدا بعيالي
اول شي اعمارهم الكبير 8 سنوات الصغير 4 سنوات
بذكر بعض المواقف العام كنا جالسين انا واخوواتي عند اهلي وولدي الكبير دخل علينا وهو شايل بنت اختي عمرها 5 سنوات عاد انا مسويه فيها ابعلمه العيب والادب (ليتني ماتكلمت بس) قلت ولد عيب تشيل البنت نزلها قالي وهو حاط يدينه على خصره لاوالله ماشاءالله يعني انتي عادي بابا يشيلك انا دوروا وجهي عند اخواتي وهم ماتو علي ضحك
واليوم اقول لولدي الكبير وانا مندمجه مع قناة المجد وهو ابلشني ماخلاني اسمع البرنامج كل شوي ساءلني وانا اقوله اصبر بعد شوي اعلمك وهو ماهمه ابلشني مره قلت له اعوذ بالله وراك نشبت في حلقي عاد هو قام وقالي طيب ابلعي ابلعي عاد انا ناظرته قلت ليه ابلع قال عشان انزل من حلقك وانحاش وهو يضحك علي وضحكت عليه الله يهديه
وامس ولدي الصغير يلعب بالعابه وتجي اخت زوجي تقوله عط بنتي لعبه وحده من العابك قال لااااااااا قالت بس وحده وهو ولاهمه لاااااااااااا قالت اجل ابعطي كل البزارين حلاو وانت لا قال عااااااادي اثلا (ولدي الصغير اثرم) حنا عندنا حلاو كثير قالت طيب اوريك ابعطيهم تفيخات وانت لا عاد ولدي نقطة ضعفه التفيخات قال وثووووووووو تفيخات وياخذ العابه كلها ويعطيها اياه
يالله اتحفونا بمواقف عيالكم وكلامهم وتعليقاتهم المضحكه واذا شفت تفاغل منكم كتبت مواقف عيالي وعيال اخواني تفطس من الضحك