أعطيك كم مثال عالطاير

وش سميتوا المولودة ؟

(أنت يالمسكينة لاوفرحانة ومبققة عيونك في الكتب تدورين معنى حلو ) :

تالا

هم: وعععععع بصراحة مو حلو

أنت : ليش بس هو خفيف ومعناه من بيئتنا النخلة الصغيرة

هم : ولو بصراحة سخيف لو سميتوها هالة على الأقل دارج

ولو كنت مسميتها هالة قالوا وعععععع قديم كان

سميتوها تالا حلو وناعم

وإلا غريبة ليش ماسميتوها هيا على جدتها؟

والله وحدة قررت وسمتها ماراح تغير اسم بنتها علشان رايك ليش تضيقين صدرها جاملي مو خسرانة شي الكلام

الحلو بلاش أو عالأقل اسكتي اصرف (متحمسة لأني بصراحة مقهورة ما أذكر إلا جحا وولده وحماره إن كنتم تعرفون

القصة )

وإلا سؤال : كم راتب زوجك ؟:11:

وإلا لما وحدة تمدح لبسك أو طبق سويتيه أو أي شي ثاني تجيك وحدة خاشة عرض : غريبة والله عاد أنا ماعجبني

وإلا لما يسألونك عن سعر شي معجبين فيه

تجيك نفس هذي المتطفلة السابقة : يالله بصراحة مايستاهل على إيش هالسعر الغالي

واللي يقهر لما تجيك وحدة منهم تقول بصراحة بقول لك شي ولاتزعلين وتعطيك ذيك التهزيئة اللي تخلي العبرة تخنقك

بس ليش تزعلين والمؤدبة بدت كلامها بطلب لطيف مثلها إنك ماتزعلين لأنها خايفة على مشاعرك

صدق إما قولي خير أو أصمتي ومامثل أجر سرور تدخله على قلب مسلم لكن وين اللي يتبع

السلام عليكم ورحمة الله وبركاته..

جزاك الله خيرا ..
والله موضوع قيم وفي الصميم ..
والله بيتي كان بينهدم بسبة الكلام غير الموزون واللي ماله داعي أهل زوجي جننوني بعيالك ضعفانين كأنكم ماتأكلونهم والله لو أحد شافهم يقول تخبون الأكل عنهم!!!!!!....... بالله عاد هذي هرجة وكمان قدام زوجي اللي كلام أهله بالنسبة له درر.... وكمان هاتهم مدح في بنات عمه وبنات خاله هذي حلوووووة وهذي ماشاء الله نظيفة ومرتبة !!! كأن أنا وسخة ووحشة والله إني أطلق من قبيلتهم كلها خخخخخخخخخخخخ دايم أقول لزوجي مدام أهلك معجبين ببنات عيلتكم ليه مازوجوك واحدة منهم كأن يقول أنا ماأبي منهم والحمدلله إني توفقت معاك:27:
_انتي سمنانة يالله هذا ولد واحد كيف لاصارعندك خمسة ولما أنحف أنتي ايش مسوية مرررة ضعفانة لين صكوني عين وماني قادرة أنزل وزني :06:
_ خلاااااص راحت عليك للأن ماتوظفتي والله الرجال مالهم آمان مالك الاّ الوظيفة ... كأن الوظيفة تحت رجولي وأنا متعززة عليها ...
_ ليه ولدك أسمرررر يالله انتي حلوة حتى ابوه زين المفروض عيالكم حلوين .>> استغفر الله العظيم كأني أنا اللي مختارتهم وخالقتهم .. على قولة أخوي لو بيدي أختار شكلي كأني صرت أجمل واحد في الكون :42::11:
_ كم زوجك يعطيك مصرووووف وكم راتب زوجك ........
_ لو وافقتي على فلان اللي تقدم لك قبل زوجك كأن حالك أحسن.>>>ناس ماتؤمن بالنصيب استغفر الله العظيم ..
_ والله لو تزوجتي واحد غير زوجك كأن عرف قيمتك ويدلعك ويهنيك..
_ وزميلاتي وأقاربي الموظفات يقولولي يابختك مكبرة مخدتك ماوراك دوام يابخت عيالك دايم جالسة معاهم والله حنا طفشنا من الدوام !!! كأن أقلهم الله يعطيكم اللي تبونه ويجلسكم في البيت وأنا اللي يرزقني وظيفة خخخخخخخخخ ينكتمون ماعاد يتكلمون!!!:11:
وهلم جرا والله لو بكتب من الكلام اللي يزعل واللي صاحبه مايوزنه قبل مايطلعه كان يبي لنا مجلدات ..

لو بس نتبع سنة حبيبنا ونبينا محمد صلى الله عليه وسلم حيثُ قال(من كان يؤمن بالله واليوم الآخر فليقل خيرا أو ليصمت) كأن حنا بخير ونعمة لأن أحيانا يقع الناس في محضور شرعي مثل ليه عيالك ماهم حلوين أو سمر وأنتي احلى منهم وهكذا لأنه يعتبر من الإعتراض والتحقير في خلقة الله سبحانه وتعالى عما يصفون..
قال تعالى { ما يلفظ من قول إلا لديه رقيب عتيد }

فمان الله

فعلا لو نتبع كلام الناس كان تعبنا وجتنا أمراض نفسيه ........
لكن نقدر نعطيهم دروس ......
وما نقصد نجرحهم أو نرد لهم الألم ....
لا بالعكس .......
نعلمهم .....
حكمة الله سبحانه .......
ونعلمهم الخيرة الي دائما يختارها الله لعبده كيف تكون أفضل شيء.......
نعلمهم كيف الإيمان بالقضاء والقدر.......
وكيف إن الانسان احيننا يكون مسير واحيننا يكون مخير......
ووووو.......
كل نقطه ندعمها بنقاش يفحمهم ويعتبرون ويتعظون ......
ويتوبون من الكلام الي ماله داعي........

جزاكم الله خيرا اخواتي افدتمونا وعرفتونا بالكلام المنتشر على كل لسان واللذي لا داعي له اتمنى انه يفيد الكثير ويكون حديثنا في المجالس عن مثل هذا الموضوع وينتشر كما تنتشر الموضة ونرحم بعضنا من السنتنا :26:

مشكورة أختي shahr عالموضوع ..

والله أنا كذا حساسة جداً وأتأثر بالكلمات ..:(
ومن طبعي ما أحب أسأل الأسئلة القوية هذي ..
ولا أحب أحد يسألني ..

لكن ليش كلنا .. أبدينا تضايقنا من الناس!؟

موب يمكن .. بل أكيد اننا قد طلعت مننا كلمات بالغلط ..
وأحرجنا اللي قدامنا بدون قصد إن شاء الله .. لكن وقع الإحراج!

يعني حتى حنا تطلع مننا أحياناً كلمات غلط أو أسئلة ماكان لازم نسألها!

لكن خلاص طلعت ..

أنا أتمنى من كل قلبي اني لما أغلط على أحد .. انه يسامحني ..
ويدري انها زلة ومو عن قصد ..

وأتمنى بعد اني أنا يتسع قلبي لمثل هذي الأمور ولا آخذها بالحساسية المفرطة ..
وأسامح من كل قلبي .. لأن الدنيا ما تسوى

أتخيل لو مات هالشخص اللي سألني أو أحرجني ..
ماراح أتذكر أبد هالزلات .. ماراح أتذكر إلا أفضاله .. :44:
لأن يظل اللي بيننا أكبر من كذا ..
وكل هالأمور تفاهات دنيا يكبرها الشيطان في نفوسنا!!


قولوا آمين .. الله يهدينا كلنا ..
ولا يعمينا عن زلاتنا بتتبع زلات الناس!! ..

تحياتي .. :)