كلما ادخل بيت اهلي ابي ابكي 😰😔😔

السلام عليكم
اسمحوا لي افضفض لكم من شي مضايقني مرره واتمنى النفسيات لا يردون علي ..
انا صار لي متزوجه سنواااات ومع كثرة المسؤوليات صرت اروح بيت اهلي في الاسبوع مره ليله نهاية الاسبوع واوقات تصيبني ظروف او زوجي مسافر ماطلع فأروح لهم بعد اسبوعين .. واوقات اكثر للعلم بيت اهلي بس فيه أمي وابوي واختي .. وقت الا زوجي مسافر ماطلع نهائي اكلمهم يزوروني أمي تقولي ابوي مايرضى للعلم بان أمي يوميا تطلع ماتجلس في البيت الا قليل جددا بس علي انا ابوي مايرضى حتى في غياب زوجي والمنطقه الا ساكنينها موحشه لانها جديده مظلمه والبيوت قليل .. المهم الا يحز بنفسي مررره وتجيني بعد كتمه فيني صيحه والله ..ان بعد فتره طويله مايشوفوني اروح بيتهم ادخل مالقى أمي مع انها عارفه اني رايحه لهم القى البيت فاضي بس اختي الا موجوده وابوي يسلم علينا ويروح غرفته ينام وبعد فتره تجي أمي تجلس اوقات حتى بعباتها مستعجله بتروح لوحده من صديقاتها تنتظرها والا جمعه عندهم 😓😔 وبس على اساس تسلم وتطلع والله احزن مرره على نفسي وين الا اسمع الوحده اذا راحت لامها تحب تشرب من يدها تحب تاكل من طبخها تحب تشوفهم تشوف حبهم وشوقهم .تدرون اروح بيت اهلي طول جلوسي ماكل شي منهم ولا اولادي لانهم مايطبخون لنا شي ابد صحيح يمكن البعض يقول مو مهم ولا احنا جوعانين بس أحساس وخاصه انا قلت لكم سنييين يعني نفس الوضع حتى الشاي اشرب اول من بيتنا قبل لا اطلع لان مافيه اي اهتمام واذا بغينا عشا نطلب من المطعم .. انا كل هذا ممكن اطنش لكن دخلتي بيت اهلي افتح الباب والقاه فاضي يحز بنفسي وامي ماتهتم ابدا بنظافة البيت حتى كيس الطحين اذا سوت منه تتركه مفتوح على الطاوله وكل شي مرمي ومعفوس ومغبر كنت قبل لا يكون عندي كل هالمسؤوليات اروح انظف أمي مو كبيره بس هي ماتحب التنظيف ولا الترتيب. بصراحه اخر مره رحت يجي على بالي مره ثانيه ماروح لان صار لي فتره مارحت وكان قبلها زوحي مسافر ماشفتهم واروح بدل ماشوفهم ينتظروني الا بالعكس مع انها كلها ليله كم ساعه ورايحه وش معنى صديقاتها الا تعمل لهم حساب مو في بعضهم اصلا ليلة الا تجي بنتهم مايطلعون وبعضهم عيلتهم كبيره ممكن يعني الام تطلع شوي لكنهم متجمعين الاخوات وزوجات الاخوان لكن احنا غيير بس اختي وابوي ينام من بدري مرره وبعد انا مو كل يوم اروح ..😓😓 انا سبق ولمحت لهم ونفس الشي للعلم باني اهديها بين فترات حتى الا اهديها ماحسها تهتم ..😔هي فيها طبع الاهمال بصراحه لكن يعورني قلبي اشوف مثلا اخر مره اهديتها جوال اخر اصدار ترميه في اي مكان ولا تشحنه ونلغى الرقم وغير الذهب والملابس ماتلبسهم تلبس كم واحد مكررين مو من عندي من غير نظافه ،،😓😓انا يحز بنفسي اقول هالكلام بس مالي غيركم افضفض لكم ..ولا اتكلم لاحد للعلم ابوي كبير واكبر من أمي ب 20سنه