اااااااااااااااااااااااااااااااه ياشام
بربك ماذا فعلتي؟؟؟
للدمع مرفا
وللقلب ظما
وبالخاطر لهفة
للوطن ولمن سكن الوطن
شام
وربي قرات حروفك بقلبي
وحركت فيني ماحرك الشوق في قلبي واضناني
شام
لاملامة على مشاعرك فهذا حال المغترب
ولكن الم تسالي نفسك؟؟
اليس هناك الكثير ممن لايرجون لقاء اهلهم ولا اوطانهم ابدا؟؟؟
في هذة الدنيا والله يجمعهم في جنان الخلد
الكثير ممن هو على السرائر البيضاء
يعانون الغربة والالم ووحدة الروح
الكثير ممن يقبعون في سجون الظلم
يتمنون شمة هواء الحرية
انتي اقوى ياشاااااااااااااااااااااااااااااام
انظري للجزء المليان وليس الفارغ من الكاس
غدا ستكونين افضل باذن الله
دعواتي الصادقة بان يطوي الله غربتك وغربتنا على خير
ولاتنسين ان غربة القبر في انتظارنا حين ينقطع بنا الامل من كل امل
اااااااااااااااااااااااااااااااه ياشام
بربك ماذا فعلتي؟؟؟
للدمع مرفا
وللقلب...
في غصة بحلقي وعيوني مليانة دموع .........حركتي المشاعر الي من اول ما انتقلت وانا مخبيتها
العلة عندي ان كل سنة بنقول هاي اخر سنة ولما بتجي اخر السنة وبتقرب الرجعة بتطلع لنا سنة كمان وبتقول هذي اخر سنة ... صار عندي خوف اعيش حياتي كلها بامريكا ونحن سنة بعد سنة بنقول هاي اخر سنة
بتعرفي انا كانت نفسيتي قبل لا انقل لهذي البلد كتير سيئة ...بيني وبين حالي كنت عم قول لازم انقل لبلدي مو لبد تاني وغربة تانية وبعدين اجت مشكلة صاحب البيت زودت الهم والحزن والشعور بالغربة المريرة
حبيبتي شام صحيح الشوق للوطن كبير كتير في قلوبنا لكن مالنا غير نقول الحمد لله والله يصبرنا ... انا مثلك لي اربع سنوات ما نزلت وكانت اخر مرة شفت فيها اهلي من اربع سنوات
اخواتي صار عندهم اولاد واولادهم كبروا وانا اشعر بالالم لان اولادي اتربوا بعيد عن اولادهم وبكل مرة بكونوا مجتمعين كلهم بيتصلوا فيني وبقولوا لي علشان تحسي انك معنا وتعرفي ان ما بننساكي وانا معهم على التلفون بضحك وبحكي بس لما بسكر بحس بغصة قوية وبقاوم رغبة قوية بالبكاء الشديد
لكن متل ما ذكرت الاخت حرم الدكتور الي بشوف مصايب الغير بتهون عليه مصيبته الف مرة
ما بعرف ان كان كلامي خفف عنك او كان ردة فعل مني عبرت فيها عن مشاعري
لكن مالنا بالنهاية غير ندعي الله ييسر لنا ويعدي هالسنوات على خير ويرجعنا لبلادنا سالمين غانمين