
الأم ـاني1 @alam_any1
عضوة نشيطة
كلمة حق عن مستشفى فقيه
بسم الله الرحمن الرحيم
طبعا انا جدا فاشله في المقدمات :35:
وغير كذا مشغوله
عشان كذا بدخل في الموضوع على طول
طبعا دايم اقرى هنا كثير يسبوا فقيه
وان همهم الدخل المادي
ويسوون قيصري ومايستنوا ع الوحده
وخدمتهم سيئه
ومن هالحكي
المهم انا ولدت عندهم قبل سنتين ونص
والحمد لله يارب اني رحت لهم
تخيلوا بعد الولاده ماجاني النوم بس استغفر واحمد ربي اني جيت لهم
ومارحت لغيرهم
القصه وهي كالتالي :
انا ساكنه في الشرقيه
وطبعا كنت بكريه ومره كنت خايفه
وقررت اولد قيصري
طبعا من راسي ماقلت لامي ولا لاخواتي
وكان ملفي في المانع وقلت لدكتورتي ابي قيصري
ابدا مابي اولد طبيعي انا اخااااااف
وقالت اوكي راح اكتب لك في ملفك ولاده قيصري
ويوم دخلت في شهري قررت اروح لاهلي واولد في فقيه
عشان اكون قريبه منهم
رحت اخذت اوراقي من المانع وسافرت على جده وزوجي كان معايه
وكنت دوب داخله التاسع
وزوجي اخذ اجازه اسبوع قال عشان افتح لك ملف ونروح نسلم على اهلي
بعدين اوديك لاهلك وارجع الشرقيه
عاد بكريه توقعت آخذ التاسع كله
يوم وصلنا رحنا للمستشفى عشان افتح ملف وللاسف وصلنا متأخر
ومالقيت الدكتوره سحر << كنت ناويه عليها
ومريت من جنب عيادة الدكتوره فاطمه وبغيت انهبل من الزحمه
قلت خلاص نجي الصباح بكره نسوي موعد
المهم تعشينا في البيك << اخلصي
ورحنا استاجرنا ونمنا
وعلى الساعه 3 الفجر نزل علي مويااااات :icon33:
بغيت انهبل :44: ماكنت اعرف ذا الحركات
طبعا بس ابكي وعلى طول رحنا المستشفى << استاجرنا قريب منه
ودخلوني جناح الولاده وجات الممرضه تبي تكشف علي
وانا اصيح قلت بعدوا عني انا بولد قيصري ليش تكشفون
المهم مارضيت احد يكشف علي
ونادوا لي الدكتوره المناوبه وكان في ثنتين مناوبات مصريه وسوريه
جات المصريه ومعاها الملف حقي اخذته من زوجي
قالت انتي طالبه قيصري قلت ايه
قالت لامايصير نحنا لازم نحاول معاك طبيعي اذا تعسرت ولادتك ولدناك قيصري
المهم انا مصره على رايي وهي مره مو راضيه تحولني عمليات
قلت انا جايه بفلوسي وانا حره وكيفي وبس ابكي واشهق
وقلت خلاص روحي انتي وخلي الدكتوره الثانيه تجي
المهم راحت وجاتني السوريه
والله يابنات ناسيه اسمائهم اعذروني ماكنت في وعيي
المهم جلست تحاول وتحاول تقنعني وانا رافضه لااقتنعت ولاحتى خليتهم يكشفون علي
والطلق ماكان حامي فخذت وقت طويل وانا اجادل ومصره ع القيصري
وفي الاخير قالت انتي مين جاي معاك
قلت زوجي واستدعت زوجي وقعدت تخاصمه وهو ساكت ويطالع فيني حزين
قال سوو لها اللي تبي انا ماعرف
قالت حرام نشق بطنها ووضعها سليم وفيها تولد طبيعي
وهو يقول ماقدر اجبرها
وعصبت الدكتوره وقالت خلاص اطلعوا رحوا اي مشرحه تسوي لكم العمليه
نحنا نظامنا غير
وكانت تمشي في الممر ونسمع صوتها وهي معصبه تقول اعطوهم ورقة خروج
لاينتظروا اكثر من كذا
ولحقها زوجي المهم شوي ورجعت هي وزوجي
قالت شوفي بنعطيك ابرة الظهر ولابتحسي بشي ابدا واذا حسيتي باي وجع
والله احولك عمليات
وحاولت تقنعني هي وزوجي اني مارح احس بشي
واقتنعت
وعلى طول دخلوني غرفة الولاده ونادوا الاستشاري حق التخدير
والحمد لله على كل حااااااااااااااااااااااااال
جبت ولدي فديته .. والحين حامل وناويه اولد عندهم
اللهم لك الحمد كما ينبغي لجلال وجهك وعظيم سلطانك
..............
1- ابرة الظهر ابدا ماوجعتني ولاحسيت فيها كانت يده مره خفيفه الله يرزقه
ولاحسيت لها اثار جانبيه ولله الحمد << قولوا ماشاء الله تكفون :44:
لاني ناويه اخذها حتى هالمره :35:
2- ممرضاتهم كلهم عسل وحنونات
3- خدمتهم جدا حلوه ومريحه
4- خياطتهم زينه
6- دكتور الاطفال كان موجود في الغرفه من بدري قبل لاولد وهو يجهز في الاغراض كان بعيد عني في ركن الغرفه
يعني لايشوفني ولا اشوفه بس اذا لفيت شفته
وكنت مستغربه وش يبي ذا لايكون بيولدني
هههههههههههههههه
5- ولدي كانوا يجيبوه بس اذا طلبته ويجون ياخذونه بعدها بشوي
واي استفسار حياكم
7
1K
يلزم عليك تسجيل الدخول أولًا لكتابة تعليق.

فعلا مستشفى فقيه ممتازين العايله كلها عندهم وانا ولدت مرتين عند د/ سحر ميلودي مره طبيعي ومره قيصري وكانت روعه الله يسعدها وان شاء الله هالمره ناويه اولد عندهم وكمان عند سحر


*رؤيتي*
•
انا ولدت عندهم قيصري بعد ما اتعسرت ولادتي بس الحمدلله كانت من احلى مايكون
من كثر اهتمامهم وعنايتهم تنسي الألم
وماشاءالله عنايتهم بالمولود مررررررره ممتازه
من كثر اهتمامهم وعنايتهم تنسي الألم
وماشاءالله عنايتهم بالمولود مررررررره ممتازه

الصفحة الأخيرة
انا كان هالولادة بإذن الله حولد عندهم وعند دكتورة فاطمة اذا الله كتب ليِِِِ
ولدي الاول كان في التخصصي مع دكتورة عفاف توفيق,,,,الله يذكرها بالخيررررَََ