كلمة لأ دايما على لسان زوجي

السلام عليكم اخواتي

انا عندي مشكله يمكن اتشوفونها سخيفه لكنها زاعجتني


انا زوجي عنده كلمه لأ دايما على لسانه

يعني اي شي اطلبه ابي اسويه واشاوره فيه ايكون رده لأ وبدون سبب اذا سألته ليش ايقولي كيفي بس انا ما ابي


يعني مثال اذا قلت بقص شعري لا ليش انا ما ابيج اتقصين شعرج رغم اني اصبت بالخبيث من عين يتلي على شعري واني اتعقدت وما ابي اطول شعري مره ثانيه

ابي اشتري لي عدسات لأ ليش بس كيفي

ابي اروح الصالون لأ ليش بس كيفي انا ما يرضيني

ابي البس نظاره طبيه نظري ضعيف لأ ليش بس كيفي انا اشوف مالها داعي

ابي اكمل دراستي لأ

ابي ادرس بمعهد لأ

رغم انه قبل العرس كان متفق مع اهلي اني اكمل دراستي

والحين ايقولي انا مو امكلف اوديج واييبج وما اقدر اوديج واييبج عشان اتكملين دراستج



وغيره من الممنوعات اللي مانعها علي رغم انه خواته وحريم اخوانه عادي عندهم وايسوونه

ويووم يبي ايقارني باخواته بالشي اللي ايعيبه ويووم اقوله شوف خواتك ايسوون وحريم اخوانك ايسوون ايقولي انا مالي شغل فيهم رغم انه يووم يبي ايقارني فيهم

ويووم اقوله ليش اتقارني انت فيهم من قبل اذا بتقارن قارن من كل الاتجاهات ايقولي مو شغلي


ولو شو ما راح ايغير رايه يعني اذا قال لا وناقشتيه بالموضووع ما يقبل النقاش وبيتهاوش