كلمة منك قد تغير حالي 😔💜

السلام عليكم ي حلوات اولآً : اتشرف فيكم جميعا كعضوه جديده بينكم .. ثانياً : حابة افتح معاكم موضوع او بالاحرى قصتي وكلي امل فيكم انك تساعدوني وتعطوني رايكم ولا احد منكم تبخل علي برأيها .. الله وحده يعلم قد ايش اعاني من هذا الموضوع اللي عجزت فيه المهم السالفه ومافيها انا من سكان الرياض ومتزوجة من سنتين والحمدلله جدا مبسوطة من ناحية زوجي واهله لكن مشكلتي هي اهلي للاسف عزوتي وتاج راسي اللي حاصل انه اهلي ناس كل فرد منهم اللهم نفسي وماهمني الا نفسي انا البنت الخامسه من امي ووالدي " الله يرحمه " متزوج من خالتي زوجته الاولى والثانيه هي امي " الله يحفظها " فأبوي من حياته جامعنا في بيت واحد لقمتنا وحده ومشاكلنا وحده وكان يسعى انه يوحدنا ونكون قلب واحد لكن بعد وفاته للاسف انكسر هذا الشي وصار الحال اسوا واسوا انا شخصياً كنت اعاني حتى لما كان موجود بيننا من اخواتي من ابوي يخلقون لي مشاكل وغيرة وحسد على اتفهه شي حتى بدراستي عكسي انا تماما معاهم كنت ادعمهم واساعدهم ماجا ببالي اني هالشي بينعكس على حياتي لما اتزوج وهالحسد راح يكبر المهم وحده منهم او بالاحرى اللي من عمري ثنيتن منهم ناشبين لي بكل صغيرة وكبيره يقلدوني والله ي بنات لو احفر حفره وادخلها يدخلوا وراي ويهرجوا ويطلعوا هرج علي يعني وصلت فيهم انه والله وانا بالمدرسه كنت امشي مع صحباتي كذبوا علي اكاذيب بس لان ماعندهم صاحبات من هرجهم واللهي كنت احط عيني بالارض من فشلتي منهم حتى انه تعبت من هذا الموضوع بس دخلت الكلية كمان مشاكل وحتى لما تزوجت ورب الكون اروح لبيت ابوي لجل اسلم كرهوني بالجيه كنت اجبر حالي احاول اكسبهم لكن عجزت كنت اقول وصلي لهم من بري ف ابوي في قبره بس ف كل مره اروح لهم ارجع بيتي ونفسيتي منهم زي الخرا من هرجهم ومن كلامهم ومن نشبتهم لي يعني انا قبل اتزوج فتحت لي مشروع فكره جات ببالي ونفذتها اللي صار انه ليش هي تسوي واحنا جالسين نتفرج عليها وعلى نجاحها واللي ناشبة لي منهم والله صارت تروح تحكي مع ناس يعروفوني لجل توصل للشي اللي وصلت له وهي بكل مجلس تسب وتطلع عيوب المشروع قدر الله وتزوجت وفتحت لي بيت بس برضوه هالشي ماانحل جلست فتره بمشروعي وبعدين قررت اكمل دراسه ولما عرفت اني سجلت بالجامعة الفلانيه قعدت الدنيا وجلستها ليش وليش وتطلع عيوب اللي تدرس وهي للاسف مو متزوجة والله ي بنات فضيعه بشكل ماتتصورنه لو اشتري ان شاءالله زبالة الله يكرمكم هي تروح تشتري والمشكله ماعندها هدف وطموح لنفسها لا بس انه ليش هي كذا وانا مااصير مثلها وهي اكبر مني بسنوات بس لان انا دايم كان ابوي يقول لي انتي اذكى بناتي وكنت فعلا الحمدلله شاطره بكل شي امسكه اتفنه وربي فضيعه واخواتها كمان يسايرونها وربي كنت اشوف الشر والحسد بعيونهم ونظراتهم لي نظرات شر وهي هذي بذات صر احلم فيها كثير انا والله ماابي شي منها ربي يوفقها ويرزقها باللي احسن من زوجي ويرزقها بمستقبل حلو ودايم والله اتجاهل واقول الله يهديها بس لما وصل هالشي انه يضرني بزواجي تخيلوا والله اجهضت ثلاث مرات وكل وجميع تحاليلي سليمه مافيني اي مرض عضوي وربي الكون يشهد على كلامي انه كلها سليمه والله تعبت صرت مااركز وفيني نسيان عجيب وتجيني نغزات وانا نايمه وكوابيس هذي المشكلة الاولى والمشكلة الثانيه اخواتي من امي ٦ بنات المهم عجزت افهمهم طبعهم لايطاق كل وحده منهم لاهيه بدنيا غريبه وحده منهم ٢٤ ساعة مع خواتي من ابوي ويسحبون منها اخباري وايش سوت ووفين تروح مع زوجها شغلهم الشاغل انا ومهمله حالها وحياتها وهم يمسخروها كلمتها لين ماتعبت بس بدون فايده والثانيه لاهيه مع صديقاتها اشوفها بالسنه مره وساحبه سيفون والرابعه والخامسه لاهين مع ازواجهم واولادهم والثالثه ساحبه على الكل ولو بس قلت لها كلمه سوت من الحبه قبه والله عجزت اجمعهم ونكون يد وحده ونتواصل ونحب بعض تعبت من هالوضع كنت اعاني من قبل اتزوج بس تزوجت افتكيت وريحت راسي بس للاسف جالسه اعاني حتى ثلاث مرات احمل ويجيني اجهاض وكوابيس وحالتي حاله تعبت وكرهت نفسي احس اني وحيده رغم اني والله احب اهلي بس سنوات وانا احاول صرت مااعرف اخواتي او اهلي الا وقت مصلحة ياخذ حاجته وسنه مااشوفه مليت والله ماابي شي منهم بس ابي خوفهم ومحبته ووصلهم لي كرهت اروح لهم احس قلوبهم مو نظيفه الكل يحسدك تصيري احسن منه اخ بس والله تعبت حتى اني والله بكل ليل ابكي وادعي واحيان اقول ليش ابوي خلانا ف بيت واحد هالشي غلط يمكن لو احنا بعاد يمكن كان حبينا بعض اكثر من الحين حاولت اقنع امي ي امي اتركي البيت وعيشي ب اولادك ف بيت مستقل وهم بعيشون ببيت خاص لهم بس رافضة الفكره ماتبغى تترك البيت وانا والله ودي بوصلهم بس ب الشهر مرتين بس لان امي عندهم مضطره اروح كل يوم مافيني اصبر عنها مااقدر اقطع جنتي عشانهم صرت حتى لما اشوفهم يجيني الم ب اعلى ظهري وضيقه ي لطيف بس والله يعلم انه ماحكيت هالشي لمخلوق غيركم الحين حتى زوجي مايدري بهذا الشي حتى انه دايم يقول لي ليش كل مااخذك من اهلك تجين تعبانه 💔 صاير شي فيك شي لاعاد تروحي بس ايش اسوي هم اهلي صعب مااروح وامي هناك ...ابي حل ساعدوني والله اللي فيني مكفيني خلاص تعبت اسايرهم على حساب نفسي حتى اخواتي من امي فقدت الامل فيهم بعيش بس لنفسي بس ضايعه ماعدت افكر واركز وخمول وكسل وقرف يارب ارحمني برحمتك .. عطوني رايكم جميعا لو بكلمه يمكن قد تكون سبب براحتي وشكرا لكم والله يسعدكم سعادة الدارين 💓💓💓