السلام عليكم ورحمة الله وبركاته
شلونكم خواتي العزيزات عساكم بخير
بما ان بدايتي بدت بهالقسم وانا غبت فتره عن المنتدى لظروف الله عالم بها ورجعت الحين فحبيت تكون بداية رجوعي من هالقسم
حبيت تقرون كلامي مثل ماقريتوا موضوعي من قبل
انتوا تدرون قبل سنتين ونص كنت كاتبه موضوع عن اختي وكان فيها مرض السرطان
ومر على الموضوع جم شهر وقدر الله وتوفت اختي الله يرحمها وانقطعت عن المنتدى
فحبيت ابشركم اني غسلتها وتبارك الرحمن لاحظت المغسلة علامة حسن الخاتمه وانا شفتها بعيوني ( الله يرحمها ويجمعنا معها في الفردوس الاعلى ) اللهم آمين
واليوم دشيت المنتدى ولقيت رساله قديمه من العضووه الهنوووووووف تقولي عن علاج لمرض السرطان والله يا بنات اني شفت الرساله وخنقتني العبره وحاولت ارد عليها بالخاص بس ماقدرت قلت لازم اشكرها وادعيلها والحين بكتب رسالتي اللي كنت بدزها لها وابيكم كلكم تقرونها واولهم خيتي الغاليه الهنووووووووف
السلام عليكم
شلوونج اختي اول شي اشكرج من كل كل قلبي على اهتمامج وعلى رسالتج اللي فيه العلاج وتوني اشوف الرساله لان من زمان مادشيت المنتدى
واختي توفت الله يرحمها ويغمد روحها الجنه قبل سنتين ونص وصدقيني علاجج هذا اللي قلتي عنه ماراح ابخل على احد فيه عشان يوصلج اجره بإذن الله
وجزاج الله كل خير وجعل الله منزلتج الفردوس الاعلى
هذي رسالتي لها وجزاها الله كل خير صج ونعم الاخت مع ان توني اشوف رسالتها بس قلت ماراح يوقف العلاج عندي راح ادزه لاي انسان عنده احد فيه هالمرض عافنا الله واياكم
وحبيت اقول لكل المرضى بهالقسم وكل من يدش هالقسم اني من اليوم انا موجوده بهالقسم وبحاول قد ماقدر اني اتواصل معاكم
كلمه اخيره: من قلبي لقلب اخيتي المصابه بمرض السرطان لا تحزني فـ والله الذي لا اله الا هو لو علمتي مقدار اجرك واحتسابك عند الله لتمنيتي ان هذا المرض لا يفارقك فقط احتسبي كل ذلك لله فلا تعلمين ربما بشي بسيط ارتقيتي منزلة بالجنه فلا تدعي المرض يغلبك اغلبيه انتي بحسن ظنك بالله وبأملك بالله
فمكاننا ليس هنا بالدنيا انما عند الرحمن في جنته
جعلني الله واياكم واخيتي والمسلمين اجمعين من سكن الفردوس الاعلى من غير عتاب ولا عذاب ولا حساب
اللهم آمين
اختكم في الله حبوبه كول
حبوبه كول @hbobh_kol
عضوة جديدة
يلزم عليك تسجيل الدخول أولًا لكتابة تعليق.
tiaa
•
الله يرحمها ويجعل مثواها الجنة الفردوس
الصفحة الأخيرة