كلمة يقولها زوجي مزح ويقصدها جد ... والحل مع هالكلمة ؟؟؟

السلام عليكم ورحمة الله وبركاته

من كثر ما سمعت هالكلمة من زوجي .. قلت انزل موضوع يمكن القى رد منكم يريحني

البداية انه جاني عقد معلمة بديلة بنظام الساعات لمدة 3 شهور

وارتاح زوجي من مصاريفي ومصاريف عيالي وفواتيري واي شي يعجبني للبيت اشتريه بدون ما ارجعله

المهم ما بقى من رواتبي الا القليل

والآن بعد ما خلصت .. صار اي شي اطلبه منه يقول اذا انتي بتدفعينها ما عندي مشكلة

مثلا انا مسافرة الآن وقلت له اذا رجعت البيت بجيب شغاله ايجار يومي تساعدني في التنظيف

قال اذا بتدفعين ما عندي مشكلة

هو يقولها كأنها مزح لكن يقصدها جد

تعرفون اللي يقولون "" مزحة برزحة "" كذا هو

المشكلة اني كنت احط في البيت اشياء لها قيمتها مثلا اشتريت غسالة اتوماتيك وشاشة بلازما بس يظن اني قاعدة على بنك ما ينتهي

بالله يا بنات ساعدوني هالكلمة توترني كثير ودائما اتناقش انا وهو على هالمشكلة بس ما استفيد شي

ياليت اذا عندكم كلمة قوية اقولها له في هالمواقف تقولونها