صباح ومساء الخيرات والمسرات لكل الحوائيات
قربن تقهون
صدق من قال الدنيا صغيررررررررره
حبيباتي اكيد لكل وحده منكم ذكريات بالطفولة وبالمراهقة
الا ليت الشباب يعود يوماً ليرى مافعلة المشيب<<<<مدري مضيعة البيت صح ولا خطأ
توي انتبة اني كبرت <<<<لاتقولون عجوز ....بس فعلا الايام تعدي
تخيلوا البارح وانا ادرس عيالي دق التلفون واعصب على ولدي لانة رد عالتلفون
لاني معودتهم اذا دق التلفون وحنا نذاكر
نشطفة ولا كأنة يرنواللي يبينا ضروري يتصل مره ثانية ولا على جوالي لانة معي دايم وقدام عيني على طول
المهم قالي ياماما حرمه تبيك واخذت التلفون الا هالصوت اللي دخل قلبي على طول من دون استئذان
والله ابتسمت بدون شعور وانا اقول من معاي؟؟؟؟ قالت صدق عجزتي!!!
قلت بقلبي احترمي نفسك توي صابغة شعري البارح
المهم قالت لهدرجة ماتعرفين الاصوات .....طبعاً انا متاكده اني اعرف اسلوب صاحبة الصوت ودخل قلبي بس مين مدري
وبعد كذا قالت الله يالدنيا نسينا ماكلينا نسينا الشطانة
والخبال 
والاستهبال
ايام الثانوي
وذكرتلي شعار كنا بالثانوي نكتبة على كل جدار وهو اول حروف من اساميناfdm2z والله يوم قالت الشعار تحلفون انها صبت على ماء بااااااااااااااااارد
وعرفتها من هي من بينهم
الله يابنات الدنيا اثاريها صغيرة
وعقب اكثر من عشرين سنة رجعنا لبعض وتلاقت اصواتنا وعقبال ماخذها بالاحضان...
يعني من ازمه الخليج لما الناس هجت من الشرقية هي اهلها راحوا الجنوب واستقروا هناك وانقطعت نهائيا عنا طبعا اول لاجوالات ولاحتى بياجر
وبالجنوب مو متوفره الهواتف زي الحين
واكلنا بجلدها انا وباقي صاحباتنا وانها كيف تقطع فينا فجأة بدون مقدمات
عاد اول الزمن غير الحين
لكل وحدة كذا جوال وايميل و....و....و......
يعني مية طريقة للتواصل
بس فعلا مفاجأة تخبل وانهبلت من الفرحة وازيد واعيد بأسمها واقولها انتي اكيد فلانة
<<<<<< اكيد عرفتوا اسمهاوتقولي اية انا هي وارجع اكرر اكيد
واااااااااااااااااي يابنات فعلا مفاجأة تهبل
ورجعت لايام الثانوي وخبال الثانوي وجنون الثانوي
وعاد لو اقعد من اليوم لبكره احكي عن ذكريات الثانوي ماخلص
بس الاكيد الدنيا صغيررررررررررررررررة
ياسبحاااااااان الله
واما منين جابت رقمي فبصراحة ندمت اني ماحضرت اللحظه التاريخية اللي ربطتنا ببعض
وهي انها مدرسة كيمياء وجاية تشوف جدولها عند مساعدة للمدرسة جايبينها مخصوص لفترة بهالمدرسة لخبرتها لتقوم بتنظيم الامور وترتيب اوضاع المدرسة يعني فترة مؤقتة وسبحان الله ماعرفوا بعض بالوجيهه بس تعارفوا بالصووووووووووووووت....اية بالصوت لما جت المدرسة تكلم المساعدة تقول قالت لو سمحتي انا شايفتك بس وين قالت لها المساعدة مادري بس ماعتقد .....الجمت المدرسة ونطقت باسمها وقالت مو انتي فلانة قالت اية.....
قالت وانا فلانة......
وطبعا هالمساعدة هي بالرياض وانا بالدمام بس ولله الحمد علاقتنا مستمرة من حنا بالمتوسط والثانوي ولا انقطعنا وفعلا ختمناها بالغالية اللي فعلا فقدناها بس من غلاها مانسيناها
وسامحوني بس من فرحتي قلت خل اسولفها على بنات حواء محد معطيني وجه الا هم لاخلا ولاعدم ياحياتي انتم
ولكم غلاي يابنات الاجواد
اخت الغلا كله
والاحلى ذكريات الدراسه