كلمته انجليزي .. ماعرفت انه ..........

السلام عليكم ورحمة الله وبركاته

كل عام دراسي وانتو بخير ..

اتمنى انها تكون سنة دراسيه موفقه للجميع ...


بدخل بالموضووع ... وبحكي لكم حكايه حصلت معي .. حكايه صغنوونه ماراح تاخذ وقت ..



..

..

..

..

قبل كم يوم الصباح .. اولادي الكبار بمدارسهم وابوهم بعمله .. حسيت بملل .. وحسيت ان صغاري ملووو .. قلت خليني اخذ الصغار واطلعهم مول اخليهم يمشو وينطلقو خصوصا الساعه 9 يعني المول فاضي وبياخذو راحتهم ..


اخذتهم واخذت شغالاتي وانطلقنا على الرياض قالري ...

قعدنا نمشي وهم يمشو مبسوطين بما انهم توهم متعلمين المشي يستعرضو هههههه

بعد ساعه كذا من اللفلفه .. جلستهم في سياتل كوفي اظن اسمه كذا ماخليت ببالي اللي قدام زارا ..

جلسو الشغالات ومعاهم الصغار .. وقلت ابطلب لهم شي يشربوه والصغار يتفرجو على النافورة وادخل انا زارا

رحت وطلبت

شكل اللي ياخذ الطلب ويسوي القهوة سعودي بس استبعدت وقلت يمكن هندي وكلمته انجليزي ..

رد علي انجليزي واخذ الطلبات وقعدت انتظر الطلب يخلص عشان اوديه لهم واروح زارا .. قاللي مدام اتفضلي على طاولتك انا بجيبها << بالانجليزي .. ووقت الطلب سالته عن الصراف وكذا .. وجاوبني انجليزي ..

قلت خلاص ود الطلب لهذيك الطاوله واشرت على شغالاتي وقال اوكي ..

دخلت زارا وطلعت قلت اقعد مع الصغار اشرب لي كوفي .. رحت له مره ثانيه وطلبت لنفسي وانا احاسبه

عيني جت على اسمه


طلع اسمه







( مشـــاري )


يالله قد ايش استغربت .. بس فرحت صراحه .. احترمته جدا .. شاب مايعدي 20 سنه .. محترم جدا مؤدب ..

ماقال هذول شغالات .. ودا لهم الطلب لطاولتهم ..

شافني كلمته انجليزي كمل معاي ..

مين في شبابنا الان يرضا يشتغل هالوظيفه ؟؟ يسوي قهوة ويقدمها للزباين ؟؟

ما قال هذه شغلة فلبينيين وهنود ..


هذه الشغله لا تحتاج شهادات ولا شي .. والشغله هذه ما قللت من قيمته .. بالعكس حسيته احسن كثييير من اللي يسهر طول الليل وينام النهار وماهمه الا مغازل واخذ مصروف من بابا وماما .. عشانه مالقا الشغله اللي تناسبه ولا حصل عرض مغري وراتب كبير .. واخرتها عاطل !!!


لا وحده تجي الله يعافيها تقول ماترضي لولدك .. والله العظيم اشهد الله على كلامي .. لو ولدي تخرج ومالقا وظيفه تناسب تخصصه خليه يشتغل زي كذاا مو عييييييب .. شغل شريف ولا مدة اليد للام والاب والعطله الفاضيه اللي تخرب الاخلاق وتجمع اصدقاء السوء ..

هذه بلده ابدا مو عيب يشتغل فيها اي شي ..


يمكن يكون فيه غيره كثييير بس انا ماشفت ولفت نظري جداااا .. وفكرت كثير قبل اكتب الموضوع قلت يمكن شي عادي بس انا اللي مكبره السالفه .. بس كلمتين قعدو بصدري وحبيت العاطلين اللي ماعندهم شغله ولا مشغله يقرو كلامي ..

والله اني اتكلم من منطلق الغيره على بلدنا .. ليه الهنود والفلبينيين وغيرهم مسوين فيها غزووو ؟؟

احترم كل الجنسيات ولا انتقص من احد .. لكن هذه بلدي ومن حقي اطالب بعدم غزوها من جنسيات اخرى


وليه ؟؟ لانها اشغال ماتناسب السعودي !!!!


والله لو كل شاب عاطل سعودي اشتغل زي هالشغلات ماراح يكون للاسيويين وجود في بلدنا ..



( لا تزعل مني اي عربيه مقيمه بالسعوديه والله اني اقصد الاعمال هذه جرسون وكذااا اللي كلها عمالة اسيويه )


الله يوفقك يامشاري ويباركلك في رزقك


انتظـــــ:26:ـــر ارآآآآئـــكم .. واتقبل الرأي الاخر بصدر رحـــــ:26:ــــب