بسم الله الرحمن الرحيم
سبحان الله وبحمده.. توكلت على الله ولاحول ولاقوة لي إلابالله العلي العظيم....
خواتي وحبيباتي أعرف اني طولت عليكم بأخباري بس العذرمنكم السالفه ماهي بسيطه خاصه اني قررت اكلمه واسمع منه وش يبغى يقول وجلست متردده في الاتصال والخوف ذبحني واتلف اعصابي ولاني قادره اتخذهالخطوه بس بعدجهد كبير ومساعده من رب رحيم قدرت ارسل له رساله على جوال اخته أطلب منه يتصل على جوالي ....وفعلا اتصل في البدايه ماعرفت اطلع الكلام وحسيت بقلبي يدق في راسي والله ماكأنه في صدري وغصب قدرت اركز وش يقول ...
انا ماذكر بالضبظ كل كلامه بس الي فهمت انه يعتذر عن الي صار ويطلب مني اتزوجه لو فتره وبيطلق بس لانه خايف من الي صار منه علي ..وقال انه عارف اني رفضت الخطاب الي كانو يجوني اول لاني خايفه اني موبنت وقال عارف ان هلك بيزوجنك ولدخالك غصب ..فقلتله لا انابخير وانا موافقه على خطيبي ..فقال لا انا متأكد انك تأثرتي من الي صار وانا في هذاك الوقت ادرى منك في هالامور وقال كلام كثير بس انا من خوفي منه ومن كلامه الي قاله معاد سمعت شئ اومعاد ركزت ....
سكرت منه وانا احس الروعه تشيلني وترميني خوف وروعه وحيره ومستقبل غامض ينتظرني ...صليت بكيت دعيت ناديت ربي سبحانه يساعدني مالي غيره عالم بحالي وعارف الظلم الي تحملته من ونا طفله ..
قعدت افكر وش السواه يارب ساعدني وادعي وابكي والخوف قتلني لاني حاسه ان حياتي منتهيه في الحالتين لوتزوجت ولدخالي وماطلعت بنت والفضيحه الي بتلحق هلي .ولوتزوجت ولدعمي والرعب الي بحسه وبعيشه معه ...
بس لقيت الحل الثاني اسهل بكثير وقررت اتزوج ولدعمي لاني فكرت كثير لورفضت الاثنين واجلت الموضوع بيجي واحدثاني ويرجع ولدعمي في المشاكل وانا تعبت في التخمين انابنت ولالا خلاص هذا قراري حبيباتي وارسلت لولد عمي موافقتي وقلتله يجي بكره للوالد هووعمي ويعتذر للوالد.. وهو قالي بفكر بطريقه بحيث ارجع لعمي ونطلبك من جديد وليجاك ابوي قوليله انك موافقه علي...
هذا الي صار خواتي وانا اسفه اني اشغلتكم معاي وبمشكلتي ويعلم رب العالمين اني اكتب وعيوني وقلبي يدمعون بس هذا الي الله كاتبه لي يمكن لي فيه خيره وانا ماادري بس هواعلم سبحانه ان كل الي همني في الموضوع ابوي فديته لاني ماودي انزل راسه بفضيحه مالي فيها يد ولاابي افرقه عن اخوه الي رباه وكان له بمثابة الاب وياليت تدعون لي ان الله يهدي روعتي ويطمن قلبي وتنتهي خلافت هلي على خير..
يبيني وووماأبيه @ybyny_ooomaabyh
عضوة جديدة
يلزم عليك تسجيل الدخول أولًا لكتابة تعليق.
أطيب حواء
•
الاستخاره ثم الاستخاره ثم الاستخاره ثم الاستخاره مره واثنين وثلاث
فهمت ان ولد عمك اغتصبك وانتي صغيره ..!؟
طيب إذا فهمي صح ليش يطلقك بعدين مو هو الغلطان ,
ع العموم الله اعلم بأحوالكم , الله يوفقك .
طيب إذا فهمي صح ليش يطلقك بعدين مو هو الغلطان ,
ع العموم الله اعلم بأحوالكم , الله يوفقك .
الله يهدي روعتج ويطمن قلبج وتنتهي خلافات هلج على خير.. ويسر لج اموورج ويسعدج فالدنيا والآخرهـ ..
الصفحة الأخيرة