اكثر شخصية تأثرت فيها هي شخصية جدتي الله يرحمها
كانت تقول ان البدويه تقول طارش مايفرح لاعقله ربي عليا وميت مايورث لارحمه رب العطيه ( تقصد لازم اذا رحت لاحد اهدي لو شي بسيط وافرح اللي دخلت عليهم )
وكانت تقول لنا دايم ( شين مجمّل ولا زين مهمّل ) يعني مهما كنتي حلوه بس مهمله نفسك مايفيدك
علمتني الصدقه وبيتها للحين حتى بعد وفاتها ب١١ سنه يجونه ناس من كل المنطقه يبون اللي عودتهم عليه
علمتني قوة الشخصيه والكتمان
امي شخصيتها رائعه ومحبوبه من المجتمع بشكل غير طبيعي ماشاء الله لكن عجزت اكون مثلها لأن تقدم خدمة الناس وراحتهم على نفسها ومستعده تتحمل الضيم علشان رضى الناس وهالشي ما يعجبني ولكن ما استطيع اخفاء اعجابي بمحبة الناس لها لهالدرجه بس ما احب اكون مثلها ابداً
علمتني الحياة ان المرأه ماتعتمد على جمالها عند الزوج لانه بعد فتره بسيطه من الزوج يتعود عليه ويشوفها عاديه ولا راح يشوف منها الا الطبع الطيب وهو اللي يخليه يتعلق فيها او ما تعني له شي
علمتني الحياة ان ما اطلع من غرفتي اذا زعلت علشان لو لاسمح الله صار شي كبير وتركت فراشي ساعتها بس يبين الفرق
وعلمتني الحياة ان اقرب الناس لك ممكن يحسدك على نعمه عندك مي عنده ( حتى لو غصبٍ عنه النفس تزهق )
علشان كذا مو كل نعمه عندي لازم الناس تدري فيها للاسف هالدرس تعلمته متأخر حييييييل

تعلمت من امي انها قنووووووووعة جدا و ان تحمد الله على الصحة و انها هي الكنز الحقيقي

و ان الدنيا ما تسوى الواحد يشيل في قلبه على اخوه المسلم

علمتنيو ان الحسد مرض خبيث و اني ابد ابد ما احسد الناس على الي في يدهم و استمتع بالي عندي

وان الحاسد يضر نفسه في المقام الاول

جزاك الله خير

موضوعك راااااااااااااائع

تعلمت من امي ( الصبر على مشاق الدنيا والتفاني لنا كلنا سواء متزوجين اولا )
وتعلمت منها مثل دايم بين عيوني ( الحرمه عزامه ندّامه ) يعني ترد ع زوجها وتسوي مشكله بعدين تندم

تعلمت من اختي التروي والحكمه في جميع الامور
تعلمت من اهل زوجي حفظ النعمه سواء خبز او غيره


مهما تعلمتي من الناس تبقى اقوى درس تواجهينه هي ( الدنيا ) تعلمك غصب عليك
تعلمت منها لازم اي اجتماع اكون فيه ظروري اكون اخر من يتكلم او يبدي رأي ! علشان مااندم

جزاكم الله ألف خير