كلمه مهمه لجميع العضوات الغاليات

بسم الله الرحمن الرحيم
السلام عليكم ورحمةالله وبركاته
في البدايه احب اشكر جميع القائمات على هالمنتدى الاكثر من رائع
وجيع العضوات المشاركات بركن التنظيف
لاني كثيركثيركثيراستفدت منه جزاكم الله الف خير :26:
هذه اول مشاركة لي بالقسم من زمان واناحابه اعرض عليكم مشكلتي وتساعدوني وتناقشوني
والحمدلله سجلت وكلي ثقه انكم راح تساعدوني
بس يابنات ارجوكم تعذروني اذا مارديت عليكم اول باول لاني ماعندي كمبيوتر شخصي
اخواتي مشكلتي بدات من اول يوم بزواجي تزوجت واناصغيره
تزوجت وببالي فكره ان الزواج حب ورومانسيه ودلع :icon28:
ومافي لاشغل ولاتعب ولاكرف بس صباحيةزواجي اكتشفت ان هلكلام كله وهم
لاني كويت ملابس العريس:arb: فالصباحيه وطبخت اول اسبوع وطول الاسبوع الي مر اغسل
ملابس واكوي
المهم مر 3اسابيع فقط ,,,,,,,,,,,,,
وش صار














وش تتوقعون








هجيت ,,,,,,,










لالالا ماسويها,,,,,,,,,,
















وش اقول لهلي













طفشتكم صح








خلاص بقول





3اسابيع وحملت




وفهمكم كفايه يعني 3اشهر الله لايوريكم وحم وتعب ومرض البيت صرت اكره تنظيفه


مع العلم ان زوجي موسوس نظافه
المهم 3 اشهر وانا حاسه زوجي بيطق :42:بس مايتكلم
في هذه الفتره اخذ عني فكره اني ,,,,,,,,
:09:مهمله و,,,,,
وتعرفون قد ايش تنجرح الوحده لما زوجها ياخذ عنها هالفكره
من جد قهر واحنا ماصار لنا3اشهر
المهم مرت شهور الحمل ثقيله احس اني بالقوه اقوم اسوي الي اقدر عليه واحس زوجي موراضي
اليوم الي بعده ارهق نفسي واقلب البيت فوق تحت عشان يرضا مع العلم ان اسلوبه معي جدا راقي وعمره
ماكان ينتقدني بشكل مباشر بس اتضايق اذا حسيته مو راضي
ولدت ونفست عنده بالبيت لظروف
وكمان فهمكم كفايه:44:
مالكم بالطويله >>>>>>>>بصراحه تعبت وانااكتب
الان ليه تقريبا اربع اشهر من ولدت
احاول ابذل كل جهدي وكل طاقتي في تنظيف البيت
واحس اني لازلت مقصره اوزوجي الي صاار يحسسني بكذا
الين صرت مااثق بنفسي انا الي اعطيته الفرصه ينتقدني حتى لو كان التقصير جدابسيط
انا مشكلتي انظف واتعب واكنس واطبق ويصير البيت مافي احلى منه بس



بس


بس مااحافظ يعني انظف المطبخ من والى يصيريلمع يلمع وادخل اسوي عشاء مثلا اطلع منه والمواعين متراكمه
في المجلى والزيت برا والملح وشكل المطبخ يقهر بعد التعب الي تعبته :angry:
دولاب الملابس مثلا اطبقه كله شكله يفتح النفس بس للاسف عمره ماجلس مرتب لمدة اسبوع
التسريحه وملابس طفلي نفس الشي عجزت احافظ علا ترتيبي ونظامي
والغبار كمان مشكله عندي
انا والله ماني وسخه واحب النظافه والترتيب حيل
بس مشكلتي التعب والعجز
مع العلم يابنات اني مريضه بالغده الدرقيه وجالسه اتعالج منه وتعرفون هالمرض يخلي
الوحده كنها راجعه من معركه:024: لا ومهزومه بعد
بس طايحه اذا مو نايمه :blink:مسطوله
الله يجعلكم ماتجربونه واخواتنا المسلمات
فيااخواتي ارجوكم تساعوني

تكفون مابي حلول تقليدي لاني تقريبا فريت القسم كلللله بس مشكلتي
مااحافظ
والي عندها اي خبره عن علاج هالمرض تدلني عليه علما باني اخذ حبوب
الله يجزاكم الجنه ومشكورين مقدما
واسفه على الاطاله
و****لله اتغير على ايديكم