والله ياعلي نظام في النوم مدري وش يبي في الحياااااه:09:
يالبى جدتي كانت تسميني سحيت الليل <<اتوقع انها سبه هذا والله اعلم
المهم.. على طاري المهم ليش حنا يالحريم اذا جينا نشرح سالفه نشطح يمين ثم نقول المهم ثم نشطح مرتن اخرى ونرجع نقول المهم وماتوصلك السالفه الاصليه الا بعد سااااعه
المهم ...كثير منا مرى بمواقف الله لا يعيدها تكون الوحده انظلمت فيها ظلم بس مشتها وعدتها والتزمت الصمت واحتسبت الاجر في ذلك
ياكثرهم الناس الي يجرحون الغير ويتهمون بسهوووله تاااامه الشخص اللي امامهم بدون لا يتأكدون من حقيقة ذلك <<فيس يصيييح
تذكرت سالفه صارتلي قبل زواجي تعرفون ايام المراهقه حساسين وحرام اللي يجرحنا نقعد يومين ماطاب الجرح
اهم شي اذكر كان علي اختبار وجالسه بحديقه البيت وفجأه اسمع صوت بنت اخوي الصغيرونه تصييييييح صياح موب طبيعي تقولون مدعوسه انا رحت جري اشوف وش فيها الا البنت وجهها احمر وتصيح واحضنها واسمي عليها واقولها وش فيك ياروووح عمتك <<طبعاً هي صغيره ماتعرف تتكلم في هذه اللحظه امي وحرمة اخوي جايات جررري من داخل البيت مفجوعين من صياحها
حرمه اخوي بسرعه اخذت بنتها من يدي وقالتلي حرااااااام عليك وش مسويه لصغيره وش فاجعتها فيه ماتوقعتها منك والله يانوشه هذا وهي تموووت عليك وربي ماتخافين الله بس قوليلي وش مسويتيلها مافي الا انتي وياها هنا<<<وربي ذا كلامها انا صرت كذا:o
مو مصدقه انها تظن اني اضربها
ااهم شي اطلقت لسانها وصوتها كان مرتفع وامي سااااااكته ماتكلمت ابد وانا دمووووعي تسيل بصمت:(
جيت برد قالت امي نوشه والله والله ماتفتحين فمك واطلعي ذاكري بغرفتك
طلعت وانا ابــــــــــكي بكاء موب طبيعي قلت معقوله تظن فيني كذا ليه طيب وش اللي خلاها تتلفظ علي هذا وانا بنتها معي 24 ساعه
طيب ليه ماتكلمت ليه مادافعت عن نفسي ليه خليتها تسترسل بكلامها ليه رضيتها على نفسي وش هالضعف اللي يخليني اسكت كني صدق مسويتلها شي وقعدت اواسي نفسي واقول عشان امي بس اللي حلفت ولا زلت ابكي :icon33:
نادوني على العشاء نزلت ووجهي احمـــــر وونتعشى ساااااكتين فجأه دخل اخوي علينا كان جاي من برى
قال وين بنوتي ياويل قلبي عليها كيف سكتوها تراها اولا تطردني تبي تروح معي سكرت باب الشارع واسمعها تصييييح بقوووه
حرمه اخوي طيرت عيونها مومصدقه ووجهها تقلب الوان :eek:
اما انا العبره خنقتني تعرفين لاحسيتي ان بكيتك مجتمعه كلها بحلقك ماتقدرين تبلعين هذا انا
طبعاً جتني اعتذرت وهي مفتشله اقوى شي و وتصالحنا ...ورجعنا حبايب:39:
حبيباتي يمكن تشوفون هالموقف بسيط بالنسبه للي مريتوا فيه ويمكن بعد انه بسيط بالنسبه للي مريت فيها انا
بس هالموقف بالذات احب اذكره دائماً ليش؟ لاني اقول
سبحان اللي نصرني في نفس الليله..سبحان اللي خلاني اتحمل الاساءه واحتسبها عند ربي
سبحان اللي رزقني بأم تسمع الاساءه لبنتها وهي متاكده انها بريئه وتأمرها بالصمت والسكوت
مارجعت امي جادلتها في كلامها علي ابد
كأنها كانت تقول بيجي وقت تعرفين وتندمين وهذا اللي صار صدق
تاكدي ان مهما انظلمتي بيجيك يوم ويعرفون خطاهم وبتكبرين في عينهم اكثر لاقابلتي اساءتهم بحسنه واهم شي لا اعتذروا منك تنسين كل ماصار وتصفين قلبك :)
ذحين كل وحده منكم ياحبيياتي تذكرلنا موقف قد مرت فيه ومسكت لسانها واحتسبت الاجر
ودام صباحكــــــــم بكل خير:26:
بالنسبه لللمواقف اللي مرت وررربي كثبر بس نسيت يسلموووووووووووووووياعسوووله