بسم الله الرحمن الرحيم
السلام عليكم ورحمة الله وبركاتة
أنا قبل ماأقول إنتقادي ببعض المواضيع بقول كل بنت وإمرأة يهمها الجمال والشكل الخارجي
سواء بالبشرة أو الجسم أو الشعر وهذا شيء طبيعي كلنا نهتم بالتجمل والله جميل يحب الجمال
ولازم نهتم بالشكل وكل شيء عشان يعطي إنطباع حلو وثقة وشكل أحلى وأجمل
لاكن المشكلة ببعض المواضيع إلي أقراها بهذا القسم بصراحة مواضيع وطلبات من بعض العضوات أستغرب منها
مثل المواضيع الكثييييرة عن البياااض كل ماكتبت عضوة عن البياااض دخلوا بالآلآف يبون يعرفون شلون يصيرون بيض البشرة
الآن وش فيها البشرة الحنطية كل بنت ولها لون بشرة خااص فيها إلي بيضاء مرة وإلي حنطية وإلي بياض عادي وإلي سمرا وش هالإهتمام الكثيير بالبياااض ولا لازم يكون بياااض قوي
فيه وصفات طبيعية ممكن تحطينها تنور البشرة وتكون صافية مو لازم و لاشرط لازم تكونين بيضاء مثل بياض الأوروبيات
وإلي يغيض بالموضوع بعض السعوديات إذا شافوا لبنانيات كأنهم شايفين شخصية مهمة كيف تسوين ببشرتك
وإيش الوصفات إلي تبيضنا تراهم من كثر ماتسألونهم عن البشرة البيضاء صاروا يقولون السعودية السود شفتوا
يعني عاجبكم هالكلام وأنا قريته بمنتدى
وصرنا بنظر اغلب الدول العربية إن السعوديات مافيهم جمال ولا نعومة ومين السبب إلي يكثرون الأسئلة إلي مالهامعنى وياليت يعطونهم نتيجة يوصفون لهم كريم ممكن يسبب مشاكل للبشرة
الحمدالله إلي بشرتها حنطية فيها جاذبية وفيه حنطية حلوة وفيه بيضاء حلوة وفيه بيضاء عادية كل بنت وشخصيتها
وإلي تبي تكبر الصدر وتسوي وصفات عجيبة وتغاامر ليش كل هذا ؟؟ علشان أزواجكم ؟ بس أقول للمتزوجات مو إذا هددك بالزواج تغاامرين وتسوين عمليات علشان مايتزوج أنا غير متزوجة لاكن أدري أن الزوج يجرح زوجته إذا قالها أنه بيتزوج بس مو معقول تلعبين بالصدر وببشرتك لو يصير في جسمك مشكلة والله مابيهتم فيك
أنا كتبت هالموضوع عشااان كل عضوة يكون لها ثقة بنفسها حطي خلطات طبيعية واهتمي ببشرتك وجسمك لاكن مو تغاامرين بوصفات تضرك عشان تصيرين بيضاااء البشرة بالقوة
أقولها ماشاءالله عندنا السعوديات فيهم جمال الحمدالله والأهم من هذا الحياء والحشمة أما إذا ماكانت مواااثقة من نفسها ولا بشكلها لو سوت كل خلطات التبييض وعمليات التكبير بتكون بنظر نفسها مو حلوة والكل بيشوفها كذا
و لو كل بنت شافت نفسها حلوة من الداااخل بتشوف نفسها حلوة بالشكل الخارجي وبتعكس هذا على محيطها
لا تتضايقون من أسلوبي بس لا تلعبون بأجسامكم وبشرتكم تجملوا بس بالطبيعة
sweetgirls @sweetgirls
محررة برونزية
يلزم عليك تسجيل الدخول أولًا لكتابة تعليق.
ME.
•
أهم شيء النظافة والصحة والعافية .. والفضل من رب العالمين ..
وماعلينا من كلام الناس ..
تسلمي ..
وماعلينا من كلام الناس ..
تسلمي ..
الصفحة الأخيرة
بالنسبة لعمليات التجميل أنا رحت لممدوح عشي ..وأغلب المراجعات عنده أجنبيات......من جنسيات عربية
رحت بسوي تجميل لحرق ... حتى ماتقولوا حرام......
والسعوديات الحمد لله ماناقصهم شي ...بس هي الثقة .....