كله ممكن نصبر عليه الا اللي يوقف بطريقنا

السلام عليكم ورحمه الله و بركاته 

اولا الله يرزقك كل مشتاقه بعشر عيال 

ثاني شي اتمنى انكم تستحملوني شوي لاني مخنوقه وحابه افضفض 

انا الحمدلله رب العالمين عندي تكيس مبايض ومن النوع اللي يطلع شعر 
بكل مكان و الدوره وانتم بكرامه ممكن تغيب سبع شهور 
والحمدلله على كل حال ربي اكرمني وجبت بنت بعد ماعملت منظار وكويت المبايض
وتنشيط والى اخره و من يومها ما عاد حملت 
بنتي اليوم عمرها سبع سنوات الله يحفظها تدرس بسنه اولى عندها وحده اسرتي 
واجب تكتب اخواتها واخوانها ما انسى نظرتها ورفعه كتوفها وهي تقول لي انا ماعندي اخوان 
مسكت نفسي بالعافيه وما حبيت اكسر خاطرها قلتلها شفتي خاله فلانه هاذي هي اختك اكتبي اسمها في الواجب .. مواقف كثيييييره زي كذا تمر علينا انا وهي ،، مره ماشاء الله رحنا نزور وحده والده و قام ولها الكبير ضرب البيبي قمت قلتله خلاص حنا اشترينها من امك طبعا بمزح وضحك تخيلوا جت بنتي من اخر المجلس توشوشني ماما خلاص شريناه ؟ تخيلوا بس 
المشكله اني ابين اني متماسكه قدام الناس والناس تحسب اني ما ابي والله مافي وحده تدعي لي 
معلش اعذروني مره متلخبطه بس ابي افضفض 
المشكله مو في الكلام اللي فوق كله ، المشكله في زوجي لو قلت له خليني اروح عند ممرخه رفض وان قلت بسوي حجامه رفض وان وداني لدكتوره كرهني نفسي يدقق بكل شي و يزعج حتى الدكتوره وهو يسأل مسوي نفسه فاهم 
اخر مره قبل اربع شهور سويت تنشيط وماصار حمل اعطتني الدكتوره وصفه فيها ابر وحبوب وقالت خذيهم بدايه الدوره وانتم بكرامه ، امس جتني الدوره قمت اركض اعطيه الوصفه قال شوفي هاذي قبل كم شهر ومدري ايش و يخاصم كنه هو الدكتور انا من قهري قطعت الورقه وقلت له خلاص لا تعصب ، عاد تصدقون من قطعه الوصفه وانا ابكي كان عندي احساس كبير ان هالشهر ممكن احمل ، مايبي يوديني ويستثقل من المواعيد مو ماشي معي دايم ضدي ليش 
انا ثقتي بالله كبيره ولو ربي كاتب لي حمل بحمل حتى بدون حبه دوا وحده 
لكن صعب تمشي اي طريق لحالك لا زوج مهتم لا اهل يدعون او مهتمين ولا احد 
رحمتك يارب