كلوب ساندويش

بسم الله الرحمن الرحيم

شلونكم شخباركم عساكم بخير طيبين ويوعانين ان شاء الله

طبعا ساعات الوحدة منا تمل من غسل الماوعين وخصوصا الجدور الله يعين وبليل يووه لا يحوشك:3_13_12:

علشان جذي فكرت ان اعمل وجبة عا لذيذة وبنفس الوقت مافيها جدول وحوسة بالمطبغ والمواعين اقل من القليل

:32:كلوب ساندويش:32:


طبعا هذي الصمونة صحية جدا جدا جدا :7_5_122:
وتقدرين تخففين الدسم حسب رغبتج
الصورة هذي مقاربة للي أنا اسويها بالبيت
للعلم : انا هذي الساندويشة ماختها من مطاحن الدقيق عندنا والكل حبوها وجربتها وطارت مطبوعة بمخي هههه

المقادير
توست عادي او اسمر حسب الرغبة
الكيس طبعا الكيس يسويل تقريبا 5 إلى 6 سناندويشات كاملة يعني بحدود 10 إلى 12 نص
مايونيز عادي او دايت
زبدة
خردل (ماسترد) الأصفر ههه
ديك رومي مدخن او دجاج مدخن او مشوي:7_2_103v: على راحتج
مرتديلا لحم اي نوع
مخلل خيار( انا استخدم الربيع)
خس
طمام
بيض مفيوح (مغلي بالماء)
جبن سلايز عادي او دايت او تبع الساندويش


طريقة التحضير:
اول شي ناخد التوست ونحطة بالشواية على شان يتقرمش شوي وييبس اطرافة
بعدين بس يصير ندهن علية مايونيز و خردل شوي
ونحط عليه الخس والديك الرومي والمرتديلا والمخلل بعدين ناخذ توستة ثانية وندهن جهة منها بالزبدة ذايبة شوي على حرارة الغرفة ونحطها فوق المخلل والجهة الأخرى ندهر مرة ثانيا المايونيز والخردل ونحط الجبن والطماطم والبيض ونغطيها بتوستة ثالثة مدهونة بالزبدة
ونقسمة نصفين او اربع على شكل مثلثات
وجذي اكليها

انا عادتا اسوي معاها جبس و شوربة دجاج بالكريمة مع المشروم


افكار تقدرين تسوينا بالساندويشة

امي ساعات تفنتق تحط داخل مع الجبن شيدر وناجوز و هلابينو يطلع يجنن :21:بس زوجي ما يحب هذي السوالف:arb:
لكنها روعة جربي إذا ماعجبتج لاتسوينها ههه

وبالعافية :o