![[شوق]](https://cdn.hawaaworld.com/images/user_avatar.png){kind=avatar}
اليوم جايبه لكم طريقة كلوب هاوس لذيذ ..
يطلع لك طعمه مثل حق المطاعم والذ وانظف لانه من يدينك ..
وهذي الصوره في البدايه عشان اذا اعجبك الشغل
تبتلين بالطريقه واذا ما عجبك :p تنحاااشين
اولا يا حبايب المقادير
توست ابيض
زبده طريه
مايونيز
خيار سليس
طماطم شرائح
وخس مقطع
بيض مقلي (يفضل تقلين بتاوه كبيره وتخلينه شريحه مدوره بعدين تقطعينها مربعات)
وجبن شرائح
ومرتدلا دجاج او دجاج مسلوق ومنتف مع مايونيز
نجي للطريقه
اولاً /خذي شريحتين توست وادهنيها زبده وحطي فيه شريحة جبن وخيار وخس وطماطم
وغطيها بالشريحه الثانيه من التوست
ثانياً/ادهني الشريحه الثانيه من فوق بالمايونيز دهن بسيط وحطي فوقه شريحة بيض وادهني الشريحه الثالثه بالمايونيز وغطي البيض فيها
ثالثاً/ادهني الشريحه الثالثه من فوق مايونيز ورصي فوقها شرايح المرتدلا او الدجاج وشرايح خيار والطماطم والخس
رابعاً/ادهني الشريحه الرابعه زبده وتغطى فيها الشرايح ثم يقص المربع الواحد الى مثلثين
خامساً/تغرز فيها الاعواد الخشبيه و تدخل الفرن لين تاخذ تشقير بسيط
وبالهنا على قلوووبكم
