كلودي كيك

السلام عليكم ورحمة الله وبركاته
كيف حالكن يالغاليات جايبة ة لكم اليوم كيكة روعة مسويتها وحدة معاي بالدوام بس عن جد روعة كل من ذاقها استخف من حلاة طعمها ومن بين اللي استخفوا انا كاتبة الموضوع مابي أطول عليكم اخاف تستخفون قبل ما تجربونها من هالدعاية بس لا تنسون تدعون لي ولصديقتي وحبيبة قلبي صاحبة الكيكة
المقادير:
صفار 3بيضات - ثلاث أرباع كوب زيت - كوب واحد سكر - كوب وثلاث ارباع طحين
ملعقة متوسطة PB رشة فانيليا - 4ملاعق حليب بودرة تضعينها بكوب وتضيفين عليها ماي بارد بس يغطي الحليب يعني تقريبا ثلث كوب -
تخلط بالطريقة المعروفة وتدخل الفرن حتى تستوي تقريبا تاخذ ساعة الا شوي وبعد الاستواء تقطع بالنص وتحشى بالكريمة ثم مربىفراولة أو كرز وتغطى بالجزء الثاني من الكيكة ويغطى الوجه بالكمية المتبقية من الكريمة وتزين باللوز المجروش وعوااااااااافي ان شاءالله ،،،،،،، بس ها مو تاكلونها وتنسوني انا ورفيجتي بالدعاء
نسيت اعطيكم مقادير الكريمة " علبتين كريمة كي دي دي الحمراء + 4 ملاعق جبن كرافت السائل "لا تستغربون جبن كرفت المالح "+ 3 قطع أناناس وتوضع بالخلاط حتى يتضاعف حجم الكريمة وتزين بها الكيكة وعوااااااافي مرة ثانية والدعاء مرة ثانية لا تنسونه