كلوميد + دوفاستون + عدم الحمل = تأخر الدورة أم تقدمها؟؟

مرحبا يا بنات..

هذا الشهر بيكون ثالث شهر اخذ فيه كلوميد ودوفاستون حسب استشارة الطبيب طبعاً... وللأسف ما حصل حمل ولله الحمد على كل حال.

في الشهرين الماضيين تأخرت علي الدورة .. يوم واحد في شهر يوليو .. ويومين في شهر أغسطس.

حالياً انا في اليوم الـ 26 من الدورة .. وانا الحمدلله دورتي منتظمة وتيي كل 30 يوم .. يعني باقي على موعدها حوالي 4 ايام تقريبا .. وما عمرها تأخرت الا في الشهرين اللي خذت فيهم كلوميد ودوفاستون .. ولأن التأخير ما كان وايد فانا قلت يمكن الموضوع عادي .. وحتى لما قلت للطبيب ما علق ففهمت ان السالفة طبيعية.

وأمس ما قدرت اصبر ورحت المستشفى سويت فحص دم ... وللأسف طلع سلبي ولله الحمد والشكر على قضاءه.

اليوم عقب ما خلصت الحمام عزكم الله لقيت في الكلينكس لون أحمر خفيف جداً .. بس طبعاً واضح انه احمر .. وعقبها بساعة تقريباً دخلت الحمام مرة ثانية عشان اتأكد وبعد لقيت لون احمر خفيف!! .. واستغربت لان موعد الدورة بعده مب الحين!!!!!!!!

سؤالي:

هل ممكن استخدام الكلوميد والدوفاستون يقدم موعد الدورة؟