عندي سؤال بالنسبة للمجفف

هل تدخلين الملابس فيه وهي فيها موية او تنشفينها بالنشاف اول وبعدين تدخلينها

بمعنى هل يخرب لو دخلت الملابس فيه بعد غسلها وتسبيعها بدون تنشيف ولا لا؟؟

وشكرا مقدما

ماشاء الله ياااغدوووو عليك
يعطيك العافيه يااااعمري
والله لايحرمك الاجر ماتتخيلين اشلون استفدت من موضوع العروسه غساله الصحون حتى كثير اقولهم عنها ومااقتنعوا فيها الا بعد ماشافوا موضوعك شرحك مررره حلوووه الله لايحرمك الاجر يالغاليه
والصراحه مررره احترت بالعريس المجفف وش احسن عائله وماشاء الله عليك تعرفين تنقين احللى عروس وعروسه ولابقين على بعض هههه بالسنع والدلع
وعقبال العروسه الثانيه الغساله الاتوماتيك بس هالمره ان شاء الله انا الي اختاراها ههههههه واريحك شوووي

والله يخليكم لبعض هههه عايشه جو معاكم


وها خلصنا بس عندي سوال ملين الانسجه كيف شكله ؟؟
لاني مرره قريت موضوع البنات يشكون ان العريس المجفف يغار من المعطر الكمفورت وتروح ريحته وانتهى الموضوع ومالقوا حل ومره شفت بموضوع في ام بي سي 4 قطعه مثل الصابونه تلصق في داخل المجفف تقوول تعطي الملابس ريحه حلووه للملابس
الزبده هذا الملين للانسجه يعطر مثل الصابونه الي في ام بي سي 4 والا بس ملين ويمنع الشحنات الكهربائيه

ومشكووووووووووووره ياعسل

ياحبي لك يالغيد
موضوعك جاء في وقته
شاريتها من اسبوعين بس ماعرفت لها ودورت في المنتدى مالقيت لها شرح
لكنك في هالموضوع كفيتي ووفيتي
فعلا يستاهل التثبيت


سؤالين ياحبوبة:

1- انت متأكدة ماينفع فيش عادي؟ لأن الكهربائي هو اللي سواه!!
تتوقعين مايدري؟

2-كيف اتاكد من حجمها؟ دورت في الكتالوج مافيه
لأن البائع قال انها 10 كيلو بعدين قال 8 بعدين رجع قال 10!!

ومشكورة على تعاونك عسى الله لايحرمك الأجر

اختي غربه فرح ايش قال لك على جينيرال بعد
اخاف اتتسرع واشتريها بعد فتره ينزل نوع افضل وانقهر

ماشاء اله على الشرح
نفس نشافتي تمام
وكنت افكر انزل موضوع عنها بس مستحيل اكون اعطيها حقه زيك
بس غريبه الباب ينفتح من فوق انا من الجنب
ومشكوره