عزيزتي مجنده ترى عندنا وعندكم خير . . .

مو بس في عنيزه . . . في معظم الكليات . . . تفاجأ طالبة مجتهدة بحمل لماده بينما طالبة اخرى

تنجح بتقدير مع انها لا تحضر الكثير من المحاضرات

وعند رفع التظلمات . . . تنسخ عبارة لم ينجح احد وتوزع على جدران الكلية

هذا الى جانب تعنت الاداريات . . . تخيلي عندنا حتى البدي يخالفون عليه اذا كان ضمن الالوان

الممنوعه . . . اضيفي الى ذلك ان الاكل الخارجي ممنوع . . .يعني ممنوع تجيبين معك فطيره

من البيت . . . كذلك الشاي والقهوه . . .كل ذلك علشان المقصف ما يخسر مع العلم ان المقصف

يبيع بضعف السعر . . .

وش نقول غير الشكوى لله

قلي بربك ياأخي ممن قريش تنتقم؟من بناتها؟

صادقه يابعد كبدي ماشفتي شي

موظفات الشؤون تقل اصغر بزارينهم اذا جينا لمهم لطلب بسيط

شوفي رفع السان وشوفي التعامل الزفت وماهن احسن حال من الدكاتره او مشرفات القاعات قمة هضم الحقوق

والتصحيح وما ادراك ما التصحيح

انحرمة من مرتبة الشرف بسبت دكتور مستهتر

تخيلي


لما تجين تشوفين نتايج مواده تلاقين الاسماء

الاسم الاول راسبه عليه دائره
والاسم الثاني ناجحه
الاسم الثالث راسبه
الاسم الرابع ناجحه 0000000وهكذااااااااااااا

يعني الغبي يفهم انه مايصحح وحضك اذا صرتي بين ناجحتين


خليها ع الله والحمدلله تخرجت هالسنه وافتكيت


والدكاتره يعلونونها صريحه تحدي

اختك خريجة رياضيات اقسام العلميه بريده....

مرحبا..

نسيت اقول فيه ناس مايحضرون ابد واخر السنه اعذار وما اعذار

ونتفاجئ بالنتائج انهم ناجحات واللي تكرف من اول السنه عليها كم دويره


وبالنسبه لحظور المحاظرات الصباحيه مايعذرون الطالبه اذا جايه من قلعة وادرين والا من جنب الكليه


وانا نفسي 000بكيت عن رئيسة القسم لما شفت اسمي من الطالبات اللي لازم يعاقبن بسبب التاخر

مع اني بعيده


حسبي الله ع كل ظالم

انا ودي اكمل البكلريوس لانني دبلوم كلية متوسطه وانا معلمه خبرتي 13 سنه بس خايفه من عدم نجاحي زي ماسمع مافيه بالكليات عند بعض الدكاتره تصحيح ش اقول لطالباتي وعالي اذا مانجحت وبعدين كم ادفع على شان تفتح ورقتي اذا مانجحت وحبيت اتاكد خلوني ماسكه وظيفتي وبلا طموح مقتوله
ثانيا الظلم عند كليه الرس انهم الى الان ماعطو قسم الرياضيات سنه اولى حتى الان مكافأتهم وبعض البنات المسكينات متدينات على الراتب على شان وسيلة المواصلات والملازموغيرها وتتأمل بحضور المكافئه التي يتاجر بها والله اعلم

كلية التربية بالرس مافيها تصحيح ولا انسى موقف طالبه في قسم الانجليزي قبل سنتان كانت تطلع من الاختبار تقول اجابتي نموذجيه هي واثقه من النجاح ولكن عند النتيجه حصل انه اغمى عليها فطالب ولي امر الطالبه بفتح اجاباتها ولكن رفضو ....وبعدين جابو واسطه بس شكلهمانفعت لانهم كلما راحو وسالو قالو تعالو بكره لمدة اربعة ايام على هالحاله ..وبعد اليوم الرابع راحت ام البنت متنرفزه وقالت الى متى وانتم تقولون بكره ردت وحده من الاداريات قالت لا فتحناها اليوم ولقينا بنتك ماحلت الام رضت وطلعت وهي طالعه نادتها الاداريه قالت الا بنتك اللي تسالين عنها باي سنه هي ؟ سوال ذكي يدل على فتح الاسئله ودمتم
ولو تبون مجلدات عن مايحصل بالكليات اسالو كل من درس فيها
؟؟؟؟؟؟؟؟؟؟اين الضمير ومخافة الله