اول شي احب اقووله .. النك مو حقي << ماخذته سلف لان المكافأت مانزلت هع
انا هنا احب اتقدم بكل اسف
وافضح كليتي الغاليه
تصوروا ياالمجتمع السعودي
مجتمع الخير والرقي
اني ادرس في قسم اسس تصميم داخلي
وناخذ مواد هندسيه
داخل معامل
مساحتها 3×4
تتصورون ان هالمعامل تشيل 24 طالبة
مع ادواتهم وعفشهم
هذا غير الاخلاق الزباله الي يتمتعون فيها مسؤولات الكليه
تتصورون انهم يطلبون منا بحوث من مكتبات ب300 ريال
وخامات بما لايقل عن 600 ريال لكل ماده
ناهيكم عن المكافأه الي تجلس 4 و5 شهور ماتنزل
يعني نكد على عميان من جيوب اهالينا
ومانطلع من المكاتب بحساب اقل من 600 و 700 ريال
وفي الاخير وشهي النتيجه
ياخذون اعمالنا بزعمهم للعرض في المعارض والحقيقه
نلقى اعمالنا مرمية بقمة الهمجية والقذارة
في اكياس الزباله استعدادا للرمي
لكن ربي فضحهم
تشققت الاكياس وتناثرت اعمال الطالبات
ااااااااخ يالقهر
هل هذا هو مصير تعبنا وشقانا وشقا اهلنا
واستنزاف مادتهم
ليه نوصل لهالمستوى من الهمجيه ونحن دولة ملك الانسانيه
والله لو شاف بابا عبدالله هالمناظر ماراح يرضى فيها
الدين اولا والانسانية ثانيا لاتسمح بمثل هذا الاحتقار
اخ سنين من القهر والظلم نقضيها بين جدران كلية الاقتصاد المنزلي
اين الرقابة
اين المسئولين
ارجوكم انشروا الصور قد ماتقدرون
ممكن تشعرون ان كلامي فيه نوع من المبالغه
لكن اترككم مع الصور
وانتم احكموا
هذا يقاله معمل خياطه يشيل 24 طالبه+مكائنهم والله نجلس على الطاولات
وهذا يعني معمل رسم هندسي ك1لك 24 طالبه على الاقل مع معدات الرسم الهندسي
اعمال الطالبات المهدورة سدى
قمة التحطيم
وش رايكم بقمة الهمجيه
شفتوا مستوى الانحطاط الي وصلنا له
حسبي الله عليهم
لكن ماراح نسكت على هالمهزلة
وترقبوا الجرايد قريبا
لااستغني عن مروركم ومؤازرتكم لي
احتكم المنكوبه
وهذا احد الردوود ::
اولا : كليه تهتم بالتصميم الداخلي المفروض يكون شكلها على الاقل راقي شوي او نظيف
موب تمشي وريحه الزبايل بكل مكان ؟
حاطين بالساحه زباله كبيره وكلها كراتين ليش هذا ديكور يعني هههههه
ليه مكان تعليمي يكون فيه اشياء كذا
المفروض تنحط بمكانها المناسب موب بالكليه
ثاني شي : دورات المياه ... لا جينا نغسل يديننا وش نسوي نشتري مويه من الكافتريا
ما فيه ولا مويه تشتغل .. وبالصدفه اشتغلت مويه وحده بس للاسف ضربت البنت كهرب
غير هذا .. المكان اللي نتعلم فيه دايم سيء .. ولو تشوف مكان العميده و و و
وش هالمكان الراقي والمكان النظيف والمكاتب الفخمه !!
مهتمين بس بالمكان اللي يجلسون فيه وناسين البنات وش يكون وضعهم
مهتمين بالطاولات في ذيك الجهه < طبعا موب للطالبات لهم بس
و التكييف وكل شي
وحنا الله لنا حتى التكييف ما فيه
قاعه وحده تدخلها فيها 9 مكيفات ما يشتغل منها الا واحد ؟
قاعه ثانيه فيها 7 مكيفات ما يشتغل فيها الا ثنتين والباقي ما فيه
وليت تكييفها زين
بعدين حنا مجموعه كبيره نكون بالقاعات معقوله مكيف واحد بيكفينا كلنا !
باختصار
الكليه
سيئيه
__________________
من طالبات الكليه التربيه والاقتصآد المنزلي:icon33:
منقول بقلم عبير المحبه
اعانكم الله