كلية تقنية ...جامعة زايد

بصراحه عن نفسي اشوف انه لو تدخل كلية التقنيه احسن وخريجي التقنيه يبونهم في كل مكان

يعني ما في حد يمدح جامعة زايد؟؟

لا فديتج في الي يمدحون جامعة زايد


أنا شخصياً درست فيها ولله الحمد .. عقب ما تخرجت وين ما اروح اقدم اوراقي يمدحون في جامعتنا
وبعدين لا تنسين الغالية ان جامعة زايد هي اول جامعة على مستوى الدولة والدول العربية الي طبقت نظام الدراسة على الاب توب ... ومن بعدها تبعتها كليات التقنية وجامعة الامارات

وبعد لا تنسين العقود الي موقعتنها الجامعة مع كبرى الجامعات في الخارج. وعندنا الدراسة الميدانية لمدة شهرين وهذا غير التدريب الصيفي عن طريق الادارة وتكون لج شهادة تقدير من الجامعة ومن مقر التدريب الصيفي

والكثير كثير .. انا بصراحة شايلة جميل الجامعة فوق راسي لان ما خلو شي في خاطرنا .. كل شي سووه لنا

وبعدين جامعة زايد تحت رعاية الشيخ زايد نفسة ...

في شي مهم .. مثل ما تعرفين ان الشهادة الي تمنحها الجامعة هي البكالوريوس .. وما عندنا نظام انهم يوقفونج كورس وعقب تكملين .. لالالالالا يمكن يعطون انذار وفي نفس الوقت تحسنين من مستواج
وعقب ما تتخرجين منها بمعدل فوق 3.00 يعطونج منح لدراسة الماجستير في الدول الاوروبية او الجامعات المحلية


وفي شي حلوو في جامعة زايد ... انج ترومين تدخلين الكوفي او العصير معاج للمحاضرة وفي نفس الوقت تحضرين الدرس .. طيعا هذا اذا الاستاذ سمح لكم بهالشي ... يعني نحن كليتنا كان مسموح فيها كل شي .. عشان يهونون شوية من طول الوقت الي كنا نيلس فيه في الجامعة
واذا اختج بتتخرج السنة .. يعني بتلحق على المبني الجديد الي بيكون على درب جبل علي

بس الصراحة المبنى رررررررررررررهيب .. مسوين فيه حركات رهيبة .. فيه انهار داخلية ... وحدايق... وغرف للرياضة .. والسباحة .. والكثير الكثير ...

وتقدرين تسالين الادارة اكثر لو حبيتي



على العموم الراي لأختج ... وانا انصح اختج اذا محتارة بانها تستخير والله بيهديها للي فيه الخير لها باذن الله


تحياتي

هلا أختي .. اذا كانت اختج تدرس في مدرسه خاصه بيمشي حالها في جامعه زايد .. بس اذا كانت تدرس في مدرسه حكوميه.............

فمن الحين اقولج احسلها كليه التقنيه ........ خليها تصلي وتستخير ربها احسلها ..

انا اقترح عليج اتروحين معاها جامعه زايد وتمسكين اي وحده من البنات اللي يدرسن هناك وتسألينها وشوفي شو

بيقولن لج ... والله يوفق اختج ويوفقج ............

بصراحه انا ما انصحج بالكلية التقنيه احسن انها تدخل جامعة زايد دراستهم اقوى من الكليه والمدرسين اللي في الكليه مول مب شي وانا عندي بنت خالتي تدرس في جامعة زايد وايد مرتاحه للجامعة
قلي لاختج اول شي تستشير وعقب تعزم على مكان معين وبعدين تستخير والله بيسرلها المكان اللي فيه الخير لها

وبالتوفيج

ملاحظه انا عندي اختي السنه ثانويه عامه وما انصحهاتدخل التقنيه وان شاء اللهبتدخل جامعة زايد