بسوره...

ليه المكافخه هذي كلها :06: عشان زودت شوية مويه على مقاديرك ....؟؟؟

صحيح إنتي فنانه في الطبخ :cook: بس أنا افنننننننن منك :o بتزيد المكافخه....

عيوني جيت بأعجن والله ماقدرت يابسسه مررره قلت ماعندي إلا الماء أحط وعلى الله...
وأزيدك من الشعر بيت .............:42:

بعد ماخلصت منها قمت أضغط عليها بقطاعة المرقوق إذا تعرفيها:32: وطلع لها شكل يهبل...:21:وطعمها مرررره رهيب :23:

وتصدقين لمن جاء زوجي من العمل على طول إتغدى وقام أخذ حبه واكلها قال مرررره رائعه
قلت زين الحمد لله...وبعدين قال لي ....إللي أعرفه عن الكليجا تيجي فاضيه من جوه مافيها شيء ليش هذي مليانه عجينه؟؟؟؟؟؟ قلت::: هذي يابعدعمري الكليجا الكذابه ..:44:
قال تعرفين أنا أحب كل شيء صادق :30:.....فصلحي كليجا صادقه.
قلت من عيوني ياعيوني....:34:

وسلامتك...
هذي قصتي مع الكليجا.
يعطيك العافيه وتسلم يمينك ....وترى كلمت أختي واعطيتها الطريقه عشان تسويها...
وإعتمدتها في دفتري الخاص...

هاله... هلا با لحبيبه المهم اعترفي اعجبك انتي وزوجك.......
صحيح لايه صارت العجينه معك قاسيه يمكن ناسيه شي ...
والله انا صارت تتلزق شوي بيدي وحطيت عندي زيت وصرت ابل ايدي فيه
وقطع من العجينه
بعدين تعالي وشي قطاعة المرقوق ......من مته صار للمرقوق قطاعه .
ان شاء الله يعجب اختك .

عطر المحبه ....سامحيني نسيتك عشان هاله فيه مكافخه بيني انا ويها
ياعمري اليمون الاسود نصف ملعقه صغيره مطحون واذا ماعندك ممكن تحطي بداله
قرفه مطحونه المهم الزنجبيل هو اللي يطلع نكهه فيه.

الله يعطيك العافيه شكلها روعة
بجربها انشاء الله في اسرع وقت :23:

آآآآآآآه يا ظهري:06:
آآآآآآآآآه ياكتوفي:06:
حراااااام عليك يالبرحية وش ذا الكليجا

:mad: من ثمان وربع وانا بادية فيها:time: ولا خلصت الا احدعش الا عشر >>>>يعني 10.50دقيقة:)
امي تقول لو انك تطبخين ذبيحة كان خلصتي...
والله مدري هو من زود السناعة والا......
وانا اصلحها في البداية كانت سايلة شوي يعني امسكها في يدي واكورها ولا تطيع تقل كنها كور منسمة:08:
بس مع الوقت شدت >>>>ما تنلام ساعتين وانا اكور فيها:42:
لااا والشغالة تقول لي (وسو سوي نوره مدازيز) >>>>>قصدها مطازيز...

وما شاء الله ربي مبارك في ذاالكليجا حطيتها في ثلاث صياني .....صينية تدخل الفرن وصينية تطلع....
المهم يالبرحية عقب ما قلت لتس مذكراتي اليوم في المطبخ
الله يعطيتس العافية على ذا الكليجا
شكلها بصراحة حلو..وحتى طعمها:21
بس عندي سؤاااال
الكليجا الي تسوينها تصير يابسة من جوا (زي البسكوت يعني)؟؟؟
وعندي سؤال ثاني>>>>>ما طاعت تخلص من ردها:p
هي تنحط مع القهوة والا الشاهي


وسلامتس
انا ادري ان ودك تكفخيني :16:
بس عاد الشكوى على الله تحملي رفالتي شوي

بسوره ...

أنا معترفه لك إن الكليجا اعجبت زوجي واعجبتني حتى ويشهد الله إني أخذت حبه وفطرت عليها اليوم ..قبل ماأدخل على النت..

وبعدين غريبه ماتعرفين قطاااااااعة المرقوق؟؟؟؟؟!!!!!!!

في قطاعه مربعة الشكل وفيها نقشه والممسك تبعها طويل..
في محلات المواعين يسمونها قطاعة المرقوق...

بس ترى ماعمري جربتها للمرقوق....:cook: للمرقوق استعمل يالسكين أو قطاعات البسكويت ويطلع شكلها جناااااااااااان...
الله يسلم يمينك...بس الحين افكر في حلى الشامواء....
إن شاء الله راح اجربه....:26: :26:

أختي الغاليه نوره...

غريبه الكليجا اخذت منك الوقت هذا كله؟؟؟؟؟أنا في نصف ساعه وانا مخلصه.....
بعدين غريبه كانت سايله العجينه معك كانت معي يابسه لو ارميها في راس كافر اسلم...ولدرجة إني أضفت ماء على العجينه....
وطبعا كانت من جوه مليانه يعني مو فاضيه زي الكليجا الصادقه:17:
وأنا اخذتها مع القهوه ...وقبل قليل أكلت حبه فطرت عليها مع كوب ماء زمزم....
بصراحه الحلى ماينفع إلا مع قهوه....


يعطيكم العافيه...
برحيه .....ماله داعي تجاوبيني جاوبت عنك.....هههههههههه