شفت ناس كثير يتمنون يتعلمون طريقة كليجا القصيم الأصليه وللأمانه اطلعت عليه بمنتدى ثاني بس والله ناسيه وش اسمه لكن مو نفس المقادير غيرت به شوي والحمد الله ظبطت معي وحبيت افيدكم
بسم الله نبدا جيبوا ورقه وقلم واكتبوا <<تذكرت ايام المتوسطه يوم كنا بالتدبير:hahaha:
المقادير::
6 اكواب دقيق بر
1ونص كوب دقيق ابيض
1وربع كوب ودك(شحم الخروف المذاب)
ذرة ملح
2 فنجال حليب بودره
ماء حسب الحاجه
مقادير الحشوه::
2كوب سكر مطحون
1وربع ملعقه كبيره ليمون اسود ناعم
1ملعقه كبيره زنجبيل ناعم
1 ملعقه صغيره قرفه
الطريقه::
يوضع الدقيق البر والابيض والودك ويخلط ثم يضاف الحليب ثم يضاف الماء شوي شوي حتى يكون عندناعجينه لينه متماسكه وماتلصق باليد.
نغطي العجينه ببلاستيك وفوطه وتترك لترتاح على الاقل ساعه ...
وفي هذا الوقت نجهز الحشو ويكون لونه مثل اللي بالصوره
بعد ماترتاح العجينه نكور العجينه مثل اللي بالصوره
ناخذ كوره ونفرده ونحط ملعقه صغيره من الحشو
بعدين نسكر العجين على الحشو زين
بعدين نحط كورة العجينه فوق المطبعه حقت الكليجاوتكون جهة تسكير العجين على فوق ونضغط عليه باليد حتى تنفرد فوق المطبعه
بعدين نشيله ونحطه على صينية الفرن وتكون الجهه المطبوعه على فوق نكمل العجين كله نغطي الصواني بسماط وفوطه ونخلي العجين يرتاح ربع ساعه..
وبهذا الوقت نحمي الفرن من تحت وفوق ربع ساعه
بعدين نخفق بيضه ونسكافيه مذوب بماء ناخذ منه ملعقه كبيره ونخفقهن مع بعض وبعدين ندهن العجين بفرشه من البيض بعدين ندخل الصينيه للفرن وتكون النار مشتعله من تحت وفوق بس تكون النار هادئه...
ملاحضه(البيض يدهن قبل دخوله للفرن مباشره)
بعد مايتحمر نطلعه من الفرن ونخليه يبرد حتى ينشف ونكمل الباقي بنفس الطريقه....
وبالعافيه :27:
اتمنى اكون وصلت المعلومه صح:cook:
واعذروني اذا تاخرت عليكم بالرد:26:
فإن اصبنا فمن الله وإن اخطأنا فمن انفسنا والشيطان
استغفر الله
استغفر الله
استغفر الله