كلين آند كلير المبيض

والله انا جربت منتجات كلين اند كلير المبيض ومابان شي:26: :26:

اختي اذا عندك بقع سوداء احسن لك توحدي لون بشرتك بالأول وبعدين تبدي تفتحيها...انا الحين ماشية على هذي الخطة...انا مو سمرة ولا بيضة بس لون بشرتي مو موحد...فيه اثار حبوب...بس بديت استخدم كريم نو مارك وهو كريم طبي ومكوناته طبيعية كلها ويطلع البقع السوداء واثار الحروق والجروح والهالات السوداء والنتيجة بتبان من 4 الى 6 اسابيع....انا بديت فيه تقربيا من اسبوعين بس انا احطه على وجهي وبس...وصراحة كل من شافني لاحظ ان بشرتي بدت تصفى وهذا الشي حمسني على الاستمرار...كما اني بديت استخدم خلطة بسيطة للتفتيح وهي اني اجيب ثلاث ملاعق صغيرة حليب سائل واضيف له شوية ليمون واخليه شوية ليش مايتكثف يعني دقيقتين ثلاث وبعيدن احطه بوجهي واخليه الين مايجف وابدا اقشره وبعدين اغسله بماي دافي وبعده بارد وبعدين امسح وجهي بقطنة من ماء الورد واخليه الين يجف واحط بعده هذا الكريم وانام ...واذا صحيت الصبح اغسل وجهي بصابونة مبيضة اسمها الصابونة السوداء....اتمنى اني اكون افدتك :27:

نصيحة اخت استخدمي اي كريم فيه احماض الفواكه من الصيدليه بس استمري عليه واذا تبين تطلعين بالشمس حطي الواقي وادعيلي :26:

حبيبتي أنا استخدمت كلين آند كلير السائل للرؤوس السوداء وما بين معي شيء بالعكس فتح لي المسامات

وتركته .. هذا اللي أقدر أفيدك فيه . وسلامتك .