السلام عليكم
طبعا أنا مستحيه منكم لأني عروس جديده وخبرتي بسيطه الله يخلي شغالات الوالده كنا ندخل المطبخ نخترع طبخات :7_2_103v:و نبدع وفي عيون تراقبنا و تحقد علينا وما بأيدها الا تنظف الفوضى ورانا
بس للأسف هذاك العهد انتهى و صار لازم أتصرف بروحي:angry:
لا يا بنت الحلال ما يصير كذا ي بعض الأحيان:44:
والله صرت استخدم أكواب و صحون بلاستيك
واليوم وأنا أغسل الصحون قررت أجرب أشارك أفكاري معاكم ,اسمع منكم لأاني بصراحه أكره تنظيف الصحون من قلبي
وشعاري بعد الأكل هو (( خلي الصحون ترتاح شوي عاالمجلى مسكينه تعبت من الملاعق والشوك تخبط فيها))):08:
طبعا وتمتد الراااااحه أكثر و أكثر لثاني يوم:D
ولكن ليس بعد اليوم
:3_13_12:
هذي بعض الحركات اللي تعلمتها
- أولا استعدي نفسيا - مثلا فكري كيف المطبخ بيكون انظف - حطي ماسك على وجهك يكون سهل- ممكن تطفي المكيف وتتخيلي انك في حمام ساونا والله تتعرقي و انتي كاشخه بضروسك:hahaha:
- بللي الأسفنجه شوي و سخنيها في المايكرويف عشان تتعقم ولا تنسي ترميها وتحطي جديده بصفه دوريه عشان هي أكبر مرتع للجراثيم في المطبخ وحاولي دايما تبقى جافه بعد الأستخدام انا احطها في حامل مخرم بعد ما أعصرها
- دائما أفصلي الأسفنجات المستخدمه لغسل المجلى عن تلك المستخدمه لغسل الصحون عشان التعقيم بعض الناس يستخدمو اسفنجات مختلفه للكاسات والأكواب بس تراها حوسه ومعظم الشغالات ما يلتزمو فيها
- خصصي بروش خاص لغسل الأوعيه المجوفه أووووف أكره غسل الخلاط
- خففي الصابون السائل في علبه قابله للرمي تقدري تستبديلها بعد أسبوع مثلا أنا استخدم علب الأيسكريم
طبعا انا ما كنت احب أسوي كذا بس تراها توفر كثير و هنا اضيف ديتول للسائل المخفف من أجل التعقيم و الريحه و اللمعه بتلاحظي أن المجلى بيتنظف و يتعقم لحاله و الريحه في المطبخ روعه
- لازم دايما دايما تغسلي الصحون بماء حار جدا طبعا الطريقه الوحيده هي غساله الصحون بس مو كلنا عندنا والحل هو القفازات وان السخان يكون شغال باستمرار طبعا في الصيف الماي حار بس لا تنسي لازم يكون شديد الحراره
طبعا الماي الحار يساعد عالتنظيف و يشيل الدهون و يذوبها و يعقم لااااا و يخلي الصحون تنشف وااايد اسرع
-لو الصحون كميته كبيره فرغي مكان قرب المجلى و نظفيه و عقميه عشان تضعي الصحون بعد غسله عليه وبعد الأنتهاء نظميها على النشاف بشكل متناسق أنا استخد علاقات من ايكيا وهي تنظم كل شي وتعطي شكل جذاب للمطبخ
- لو مستعجله و بتغسلي الصحون بعدين فضيها بسرعه وبلليها بس خلي بالك لو حطيتيها فتره طويله بتسوي ريحه وممكن ترجع تنشف
برجع أكمل لكم بس أريد أسمع تجاربكم فأنا مستجده في عالم التدبير المنزلي:04: