كل أم تدخل تقول طريقتها مع طفلها أو طفلتها ..يمييييين الله انا تعبااانه

ياعمري الله يعينك
اول شي عندي ولد 3 سنين و 9 شهور وبنت عمرها سنه
طريقتي مع عيالي من جبتهم الى الحين النوم من الساعه 10 وانا منومتهم لاني عودتهم على النوم المبكر
اول ماعودت الولد تعبت 3 ايام كل يوم يبكي مايبي ينام صرت ادخله الساعه 9 واطفي النور واتمدد على سريري واحط على رجولي مخده واحط نص جسمه على المخده والنص الثاني على رجولي واجلس اهزه يمين ويسار بس على الخفيف اول 3 ايام يقاوم واجلس معه ساعه بالموت يقتنع انه مو طالع من الغرفه بعدين خلاص عرف اذا دخلنا الغرفه انه بينام وكنت اهيئه قبل ادخل ب 10 دقايق اني بدخله للنوم مثلاً اقوله يالله حبيبي بندخل ننام وخلاص تعود على النوم مبكر اول شهور عمره كنت ادخله 9 بالليل وكل ماكبر صرت اتاخر بالوقت والحين ماتجي الساعه 11 بالليل الا هم نايمين مجرد ماحطهم بسريرهم
والبنت نفسه طبعاً يصحون الساعه 11 بالظهر يعني نومهم تقريباً 12 ساعه ومرات يتاخر ساعه او يقل ساعه

اما الاكل كل يوم اسوي لهم وجبه خاصه فيهم وعودة شغالتي على طريقتي يعني اول مايصحون افطرهم اما اي نوع بيض وحليب او خبز بالجبن او كورن فليكس شي خفيف

وساعه ويتغدون الغدا ننوع مره سليق بالمرق ومره مرقوق ومره رز كبسه وضروري احط لهم بوجبتهم لحم او دجاج البنت افرمه لها بالخلاط والولد اقطعه له صغار ومرات اسوي معكرونا ومرات اسوي جريش ويحبون الشوربه بالذات العدس مفيده مره

وبالعصر اقطع لهم فاكهه اي نوع والعشاء يتعشون معي ومع ابوهم يعني من اكلنا اللي نسويه

بس احب اقولك اللي يشوف اهتمامي بعيالي يقول عنهم انهم مدبدبين والله انهم ضعاف اهم شي عندي انهم مستصحين مايهمني متنهم كثر مايهمني اني اشوفهم ياكلون بصحه وعافيه

عيال حمواتي اجسامهم مليانه والله انهم ماياكلون ومعزرين بامهاتهم مايرضعون الا وهم نايمين والا مستحيل يرضع وهو صاحي والاكل لقمة وعساها تحدر الله يعينهم عليهم و24 ساعه يركضون بصحونهم وراهم علشان ياكلون والله ماينلامون الاطفال يوم عافوا الاكل لو الاكل على وجبات كان ماكرهوا الاكل واكلوا نفس الاطفال طبيعي بس الاهتمام الزايد ينفر الطفل من كل شي
نكمل ....
ولاتتقيدين بوجبات بكل وقت اهم شي كل فتره جيبي له اكله ووكليه اذا اكل زين واذا رفض اسكتي عنه ورجعي له بعد فتره ولعبيه وانتي توكلينه يعني انا كنت اسوي كان الملعقه طياره وكنت اقول لولدي افتح المطار الطياره وصلت وكنت اقطع الخيار دوائر واقول له افتح المطار كفرات الطياره وصلت واجلس اسوي قصص وياكل لما يشبع بسم الله عليه

قصصي الفواكه بصحن وحطيه بحضنه وخليه ياكل من نفسه حتى لو يوصخ نفسه اهم شي ياكل
اشتري له ملعقه وصحن وكاس اللي مرسوم عليهم رسوم تحصلينها بستي بلازا وحطي شوي اكل فيها وخليه ياكل من نفسه حتى لو ياكل بيده افيد له واذا خلص بدلي ملابسه

كل فتره عطيه مويه عوديه عليها لانها زينه له مره بكل شي

اتمنى مااكون قصرت بشي ينفعك واذا احتجتي مساعده لايردك الا الكيبورد ههههه

والله حبيبتي أحس ان صعب مررررره ما أقدر ولدي عنيييييييييييييييييييييد يسهر ما ينام وبالقوووه انومه ولاااازم يصحى 120 مره في الليل أقسم بالله انه هذي حالته من يوم وهو في الاربعين مدري ليش ومستحييييييييييل ياكل زي الاوادم والله أصعب وقت، وقت الاكل أكره نفسي
وأعصب واحيان ابكييييييييي والله ماني قادره أول ما يصحى يصرخ ويبكي ما يفطر بس يبغى يرضع من صدري واذا خلص ما يفطر لو اييييش والغدا لقمه اثنين وينط على صدري يرضع والعشا كذلك وايش
ياكل اكثر شي القش فاش والله ان صارت هاي اكلته الرئيسيه والله ماني عارفه من جد ايش اعمله حاسه اني بانتحرررررر



آآآآآه ومليون آآآآآآآآآآآآآآآآآآآآآآآآآآآآآه

والله مشكلتك نفس مشكلتي بالظبط ابني عنده تمن شهور ونص وبتعب معاه فالاكل والنوم بس ان شاء الله احاول اجرب طريقة ليالي نجد فالاكل بس انا عندي كمان مشكلة ان ابني عاوزني جنبو طوول النهار وميحبش يعد مع اي حد غيري وانا هنا فغربة مفيش حد يخده مني لغاية ما اخلص حاجتي والله الشقة عندي بقت عاملة زي السيرك واهلي يقولولي سيبية يعيط وخلصي حاجتك مش بقدر بحطو فالعربية او المشاية او الكرسي مبيرضاش يعد فيهم خالص يا ريت حد يفيدني

يعني كم عمر ولدك الحين ؟؟

اذ اقل من السنه معروف يصحى الطفل كثير بالليل يبغا يرضع خاصة الي يرضع طبيعي
وضحي عمره وان شاء الله نفيدك ياقمر
..
.

عمره سنه و 7 شهور وهو الى الان يصحى مليون مره في الليل عمره ما نام نوم متوااااااصل وانا تعباااااااااااااااااااااااااااااانه معاه..