كل أم عندها اطفال على مشارف المراهقه تتفضل :)

نفس المشكله بنتي 10 سنوات اول ماتعلمت الصلاة كان تخاف وتصلي من نفسها ألحين تصلي مرة وعشرة تخليها والصاحبات لهم دور في التأثير على بنتي رغم إن شخصيتها حلوة وقويه بس تحب زميلاتها وتقتنع بكلامهم والله التربية صعبه

والله نفس المشكلة مع بنتي عمرها 9 سنوات ماتصلي الابالقوة

؟؟؟ الجنس كيف نعلمهم :06:

انابنتي بس تنخش عن الموضوع

هلا اختي مراسيل انا اعاني من نفس المشكله مع ولدي 11سنه السنه هذي تغير بكل شي حتى الدراسه بدى مستواه يتراجع فيها كثر كلامه عن السياكل والسيارات والتفحيط وكل يوم جايب له ابوه سيكل شكل وانا ما مهنتي الا اخرب بها السياكل وارميهم لعمال البلديه الصبح وهو في المدرسه
وبعدهاب في طرق تطويل الشعر وصبغه وافلان سوى كذا بسوي زيه وعلان راح للمكان الفلاني وشرى اللبس العلاني ابي مثله والله مره طول شعره وانا وياه اهواش الا يقصه وهو معيي والمشكله ان ابوه مساعده ومايردله طلب ويقول خليه فتره وتعدي المهم يا طويلة العمر واحذره اني بقصه له ان ماقصه من نفسه وابد عمك اصمخ وفي ليله انتظرته لين نام ويوم قام الصبح واثر شعره بيده قصيته وهو نايم
والصلاة يصلي فرض بعد البهذله وعشرين لا
وكله ولا الجوال وما ادراك ماالجوال كل ليله وانا وياه معارك وامسح من هاالمقاطع اللي تجيب الهم واعلمه ان هذا حرام وما يجوز وينام مقتنع واذا طلع لاصحابه من بكره عباه من هالبلاوي من جديد وهذي حالتي معه بتقولون ليه تعطينه جوال بقولكم ماعطيته وسويت المستحيل علشان اخذه منه او على الاقل يكون جوال بدون كامرا لكن لا حياة لمن تنادي لان ابوه كل شي عنده ولا زعل البزران
يووووووووووه تعبت وان شاء الله نتساعد ونلقى حل او اسلوب للتعامل معهم.......................

يامرحبا بأمهات الشباب
.
.
:)
الأخت نانو
.
الله يصلح لك بنتك .. بس انا مادري اشوف تربية البنات اهون من العيال الله يصلحهم .. انا عندي بنوته وحده عمرها الحين 3 سنوات وشهر :) ياقلبي عليها .. فرق عن اخوانها واحسها تعلم بالتفهيم وإن ماصلح تنعدل بالترهيب .. لكن الأولاد لا ذا ولا ذا يمشي معهم ..
.
.
انتي عوديها معاك وقت تصلين خذيها معك واشري لها جلال وسجاده وسوي لها جدول للفرايض وكل ما اتمت فريضه حطي لها إستيكر .. ونهاية الأسبوع اذا ملت جدولها صور بكل الخانات اعطيها هديه او طلعه او اي شيء تحبه ... :) ترا هالأسلوب يمشي للبنات اكثر من العيال
.

الأخت fa1212
.
هلا بمرورك اختـي ..
.
وجربي الطريقه اللي ذكرتها للأخت نانو .. وترا والله يالبنات وش زينهم مع العيال .. وصحيح الصحبه لها دووور وأثر كبير كبير جدااا :(
.
لكن وين تلاقين الصحبه السنعه في هالوقت .. إلأا من رحم ربي ..
.
ومشكوره للمرور