كل إلي تحس إنو عندها جاره ولو كانت ساكنه بفيلا تدخل ضرووري

السلام عليكم خواتي راح أكون صريحه للغايه فإذا بدر مني أي كلمه غلط فالسموحه

أنا في غربه عن أهلي وليس لي أحد هنا ولدي طفله وحامل وأدرس وشايله هم مره لرجعت الدوام وين بخلي البيبي وصراحه ما أأمن الشغاله عليه أصلا هي قالت لي ما راح تشيليه تخاف هذا أولا وثانيا إنها بنت يعني ما تعرف كيف تتصرف ولا عندي أهل ولا صاحبات حاولت أتعرف على جاراتي بس ما في فايده كل وحده قاعده ببيتها تقول عندها كنز تحرسه وما ودها أحد يشوفه ليه كذااااااااا

تصدقوا مره زوجي وهو طالع من الصلاة وشاف جارنا في الفيلا إلي جنبنا سلم عليه وكذا وقاله إنا نبغى نتعرف وكذا والله بعدها ما شاف وجهه

أنا ما أعرف إيش فيها الناس ومو كل الناس البعض الله يصلحه ولا كن الرسول وصانا بسابع جار يعني أنا دحين لو لي جاره حبوبه ومعطيتني وجه كان ما تعبت كذا ولا شلت هم مو يقولوا الجار أحسن من القريب لأن هو إلي جنبك ويحس فيك ويجيرك قبل أهلك لا صار فيكم شي وإذا جارك قالكم يبي يجي مو تقولوله زي ما سمع زوجي ليش في شي :angry2: الصراحه فشيله

وين أيام زمان والله أتذكر جارتنا ما كانت بدويه ولا حضريه (هالفكره هي إلي تقطع العلاقه البدو مايبغوا الحضر والحضر ما يبغوا البدو) كانت مصريه وبابا هو صاحب العماره والله إننا نتغذا سوا وأحيانا تروشنا وتذاكرلنا لمن تكون ماما تعبانه وعلاقتها بماما إلى الآن مستمره وتتصل عليها وهيا في مصر تخيلوا يسلام على وقت العصر نقفل باب العماره وتصير العماره بيت واحد إلي طالع وإلي داخل لأن الرجال مع بعض ولا كل واحد راح لحاله

ويا سلام على جالستنا في السطووووووووووح وريحة الريحان تفوح وإحنا قاعدين نغسل مفرشتنا مع أولاد الجيران ولا نتعشي ياااااااااااا ليت جيراننا يرجعوا وياليتني ألقى جاره تطمن علي والله أحس لو زوجي راح من البيت إني خايف يصير علي شي ولا أمووووووووووووووووت يمكن أعفن وتطلع ريحتي ولا أحد يدري عني

نداء وينكم يا جيران لها الدرجه وصلتك معاكم

تخيلوا أمس كانت عندي حرمه يعني تعتبر كبيره وأقولها هالمشكله لأنها بنت بلد يعني من نفس المنطه إلي عايشه فيها تقولي يووووووووووووووووووووووه كل يوم أربعاء نجتمع مع أهل زوجي وأهلي لهم يوم بالأسبوع يجتمعون في إستراحه ويالله ملحقه على شغل بيتي وعيالي وتبيني أسأل عن جاراتي :09: أنااااااااااااااااااااااا طرطعت وقلت أستشيركم كلكم تسوا كذا في جاراتكم ؟؟؟ بصراااااااحه خلونا نتناقش !!!!