السلام عليكم
ياستات ابغى من كل وحده ولدت في مستشفى الولاده في المدينه تقولي كيف عنايتهم وكيف الولاده عندهم هل يحطو وقت الولاده كمام هل يولدني دكتور ولا دكتوره
انا في ولادتي الأولى ولدت عند نجوى
ودحين انا حامل في الثامن وظروفنا مره تعبانه وزوجي يقولي مالك غير الولاده وانا خايفه من كثر ما اسمع عنها
الله يخليكم ساعدوني وريحوني لانه مستشفى الولاده فيه فيه مافي غيرها
(أدعولي الله يسهل ولادتي دعاء المسلم لأخيه المسلم في ظهر الغيب مستجاب حتي لو ماتكتبو رد كل وحده تدعي بينها وبين نفسها)
يلزم عليك تسجيل الدخول أولًا لكتابة تعليق.
شوفي ياقلبي اناولدت فيها ببكري وهذا الثاني ان شاء الله بولد فيها ربي ييسر لي يارب ويهون علينا جميعا ---الممرضات الاندونيسيات معاملتهم تجنن يقروا عليك ويساعدوك وبما ان ولادتي تعسرت جوني دكاتره كثير مصاريه ومصريات والله ماقصروا طيوبين بس فيه دكتوره باكستانيه كشره هي وممرضه عجوز فلبينيه والحمدلله انتهى دوامهم وماطولوا معاي فالاخير ولدت على يد الاستشاريه رقيه تكر ربي يفرج همها ساعدتني كثيييييييييييير---بعدولادتي بسنه رحت مع اختي كانوا اللي معاها فلتخطيط ممرضات سعوديات فيه فرق كبير بينهم وبين الاجانب الممرضات اسعوديات ضحك وسوالف ويأكلون بسكوت فالتخطيط وينافخون -----هذا كل شي قلته لك بصراحه ودايما ادعي ربك يسهل ويسخرلك الطيبين من خلقه المهم السلامه موحكومي والاخاص -----احس اني كثرتهابس حاسه فيك ربي يفرج همك دعواتك ربي يرزقني بطفل سليم معافى
لا تخافي حبيبتي بالعكس اسالي عن الدكتورة نوف وامل زمان مررررررررررة ممتازين انا سويت عملية تنظيف عندهم بالعكس ماشفت غير كل خير ..
الصفحة الأخيرة
خلي قلبك معلق بالله واطلبيه التيسير مافيه شي بعيد على الله وماتدرين يمكن ربنا يوقف لك الدكتورة الطيبة